Лінкі ўнівэрсальнага доступу

logo-print
МУС Беларусі прапануе ўзмацніць адміністрацыйную адказнасьць за незаконнае скупляньне, продаж і абмен замежнай валюты.

Міністэрства ўнутраных спраў прапануе замацаваць у законе магчымасьць канфіскоўваць усе грошы, якія ёсьць у валютчыка на момант зьдзяйсьненьня зьдзелкі.

Паводле цяперашняга Кодэксу пра адміністратыўныя правапарушэньні, незаконныя валютныя апэрацыі караюцца штрафам да ста базавых велічыняў. Адна базавая — 35 тысяч беларускіх рублёў. А канфіскуецца толькі сума, якая складае прадмет зьдзелкі.

Калі сілавым структурам дадуць права канфіскоўваць грошы, якія ёсьць у часе зьдзелкі, то ў шматлікіх выпадках будзе канфіскоўвацца ад 100 мільёнаў рублёў і болей, запэўніваюць прадстаўнікі МУС.

Сёлета за сыстэматычнае правядзеньне незаконных валютных апэрацыяў завялі больш за 30 крымінальных спраў, склалі больш за 740 адміністрацыйных пратаколаў, перадае БелаТА.

Ваша меркаваньне

Паказаць камэнтары

XS
SM
MD
LG