Лінкі ўнівэрсальнага доступу

Зьмітра Бандарэнку вылучылі на прэмію Андрэя Сахарава


Зьміцер Бандарэнка

Зьміцер Бандарэнка

Кандыдатуру палітвязьня вылучыў на прэмію Эўрапарлямэнту імя Андрэя Сахарава "За свабоду думкі" польскі дэпутат Марэк Мігальскі.

Зьміцер Бандарэнка — каардынатар "Эўрапейскай Беларусі", сябра перадвыбарчага штабу Андрэя Саньнікава.

"Для яго гэта вельмі вялікі гонар. Для мяне як ягонай жонкі гэта таксама вялікі гонар. У мяне мала куміраў у жыцьці, але сярод іх ёсьць Андрэй Сахараў. У нашай краіне ўсё так непрадказальна, што я ня ведаю, наколькі гэта можа паўплываць на вызваленьне майго мужа. Але спадзяюся, што гэтая інфармацыя дойдзе да кіраўніцтва калёніі. І гэтае намінаваньне паўплывае на стаўленьне адміністрацыі калёніі і на вязьняў, якія там знаходзяцца", — заявіла "Свабодзе" Вольга Бандарэнка, жонка палітвязьня.

27 красавіка яго асудзілі на 2 гады калёніі агульнага рэжыму.

У палітыка пасьля арышту дыягнаставалі некалькі грыж дыскаў хрыбетніка і ўшчамленьне сьпіннамазгавых нэрваў. 25 ліпеня яго даставілі з Рэспубліканскай турэмнай бальніцы на вуліцы Валадарскага ў 5-ю бальніцу, дзе на наступны дзень зрабілі апэрацыю.

Бандарэнка знаходзіцца ў Магілёўскай калёніі.

Прэмія імя Андрэя Сахарава за свабоду думкі названая ў гонар савецкага навукоўца і дысыдэнта Андрэя Сахарава, яна была заснаваная ў сьнежні 1985 году Эўрапейскім Парлямэнтам і прысуджаецца асобам ці арганізацыям, якія абараняюць правы і свабоды людзей.

Звычайна прэмія ўручаецца каля 10 сьнежня, у дзень, калі краіны ААН прынялі Ўсеагульную дэклярацыю правоў чалавека.

У 2004 годзе прэмію атрымала Беларуская асацыяцыя журналістаў. У 2006-м — кандыдат на выбарах прэзыдэнта 2006-га, цяперашні кіраўнік руху "За свабоду" Аляксандар Мілінкевіч.
XS
SM
MD
LG