Менскі гарадзкі суд пакінуў бязь зьмены прысуд Алене Ліхавід, маці палітвязьня Мікіты Ліхавіда. Жанчына была асуджаная на 10 сутак адміністрацыйнага арышту за удзел у несанкцыянаванай акцыі 20 ліпеня — гэтак званай акцыі «маўклівага пратэсту». Асудзіла маці палітвязьня судзьдзя Вайтэховіч з Цэнтральнага суду Менску.
«Перагляд маёй адміністрацыйнай справы ў Менгарсудзе адрозьніваўся толькі тым, што судзьдзя перад вынясеньнем рашэньня хаця б выйшаў у асобны пакоў нібыта для разважаньняў», — сказала Алена Ліхавід «Свабодзе». Спадарыня Ліхавід мае намер абскардзіць судовае рашэньне ў больш высокай інстанцыі.
7 верасьня Алена Ліхавід накіравала таксама скаргу ў пракуратуру і Міністэрства ўнутраных спраў адносна свайго адбыцьця пакараньня ў ізалятары на Акрэсьціна. «Скарджуся на вельмі кепскія ўмовы ўтрыманьня, у тым ліку на антысанітарыю ў камэрах. І яшчэ на зьдзеклівыя адносіны да вязьняў», — патлумачыла Алена Ліхавід.
Вядома, што апошнія 3 дні з 10 на Акрэсьціна Алена Ліхавід адбыла ў адзіночнай камэры.
«Перагляд маёй адміністрацыйнай справы ў Менгарсудзе адрозьніваўся толькі тым, што судзьдзя перад вынясеньнем рашэньня хаця б выйшаў у асобны пакоў нібыта для разважаньняў», — сказала Алена Ліхавід «Свабодзе». Спадарыня Ліхавід мае намер абскардзіць судовае рашэньне ў больш высокай інстанцыі.
7 верасьня Алена Ліхавід накіравала таксама скаргу ў пракуратуру і Міністэрства ўнутраных спраў адносна свайго адбыцьця пакараньня ў ізалятары на Акрэсьціна. «Скарджуся на вельмі кепскія ўмовы ўтрыманьня, у тым ліку на антысанітарыю ў камэрах. І яшчэ на зьдзеклівыя адносіны да вязьняў», — патлумачыла Алена Ліхавід.
Вядома, што апошнія 3 дні з 10 на Акрэсьціна Алена Ліхавід адбыла ў адзіночнай камэры.