Лінкі ўнівэрсальнага доступу

logo-print
Маскоўскі суд Берасьця адмяніў ранейшую пастанову, згодна зь якой каардынатар БХД па Берасьцейскай вобласьці Зьміцер Шурхай быў пакараны 7 суткамі арышту.

Зьміцер Шурхай быў затрыманы і зьвінавачаны ў брыдкаслоўі 28 чэрвеня, напярэдадні маўклівай акцыі. Аднак 21 ліпеня абласны суд адмяніў ранейшае рашэньне Маскоўскага суду і накіраваў справу на перагляд.

Сёньня, перагледзеўшы яе, судзьдзя Лабачэўская ня ўбачыла дастатковых доказаў віны Зьмітра і адмяніла ранейшы вырак палітыку.

Зьміцер Шурхай: "Я, вядома, не спадзяваўся на такі вынік. Але суд выявіў шматлікія супярэчнасьці ў пратаколах. Напрыклад, несупадзеньне часу — паводле пратаколаў мяне затрымалі ў 12.40, а аштрафавалі ў 12.05. Сьведкі шмат супярэчылі адзін аднаму ў сваіх паказаньнях. Справа проста развалілася на вачах".

Зьміцер Шурхай з паплечнікамі пасьля судовага паседжаньня



Зьміцер Шурхай са сваім адвакатам Віктарам Лынько

Паказаць камэнтары

XS
SM
MD
LG