Лінкі ўнівэрсальнага доступу

Спынены крымінальны перасьлед кіраўніка штабу Саньнікава Ўладзімера Кобеца


На хатні адрас Уладзімера Кобеца прыйшлі дзьве афіцыйныя паперы зь міліцыі. "У першым лісьце знаходзіцца паведамленьне аб спыненьні крымінальнага перасьледу. У другім — што зьнятае часовае абмежаваньне на права грамадзяніна выяжджаць за межы Беларусі", — паведаміў Уладзімер Кобец.

Уладзімер Кобец быў кіраўніком выбарчага штабу экс-кандыдата на прэзыдэнта Андрэя Саньнікава. Пасьля выбараў Уладзімера Кобеца арыштавалі і больш за месяц трымалі ў сьледчым ізалятары КДБ паводле падазрэньняў ва ўдзеле ў масавых беспарадках 19 сьнежня.

Раней сілавыя структуры спынілі крымінальныя справы супраць:
  • кіраўніка АГП Анатоля Лябедзькі;
  • рэдактаркі сайту "Хартыя-97" Натальлі Радзінай;
  • грамадзкага актывіста Алега Корбана;
  • былога кандыдата на прэзыдэнта Рыгора Кастусёва;
  • актывіста перадвыбарчага штабу Міколы Статкевіча Алеся Арыстовіча.

Паказаць камэнтары

XS
SM
MD
LG