Лінкі ўнівэрсальнага доступу

Старшыня Савета Рэспублікі Нацыянальнага сходу Беларусі Анатоль Рубінаў лічыць, што ў Беларусі мэтазгодна паступова ўкараняць зьмешаную выбарчую сыстэму.

"Трэба напрацаваць досьвед, каб яны (моцныя партыі - ІФ) былі, зацьвердзіліся ў грамадзтве, каб было відаць, што яны нешта зь сябе ўяўляюць. Тады, можа быць, можна часткова і пайсьці ў гэтым кірунку (галасаваньне па партыйных сьпісах - ІФ), па зьмешанай сыстэме ", - заявіў агенцтву" Інтэрфакс-Захад "у пятніцу ў Менску А. Рубінаў.

"Увесь сьвет так ідзе, і нам трэба павучыцца", - падкрэсьліў суразмоўца агенцтва.

Ён таксама адзначыў, што, на яго погляд, насьпеў момант, калі рэспубліканскае грамадзкае аб'яднаньне "Белая Русь" павінна трансфармавацца ў палітычную партыю.

"...Гэта (трансфармацыю "Белай Русі" ў партыю - ІФ) трэба зрабіць чым хутчэй, тым лепш ", - сказаў ён, адказваючы на пытаньне аб тым, ці зможа аб'яднаньне перарасьці ў палітычную партыю да маючых адбыцца ў наступным годзе парлямэнцкіх выбараў.

А.Рубінаў згодны з неабходнасьцю ўнясеньня ў выбарчае заканадаўства Беларусі зьменаў, якія прадугледжваюць галасаваньне па партыйных сьпісах. "У прынцыпе, з часам трэба ўносіць зьмены, але не на гэты раз (да выбараў 2012 года - ІФ)", - лічыць ён. "Трэба падрыхтаваць грамадзтва, трэба, каб у нас сапраўды былі такія партыі. А тое, якія зараз партыйныя сьпісы? Гэта сьмешна", - дадаў ён.

Паказаць камэнтары

XS
SM
MD
LG