Нападкі на свабоду выказваньня толькі зьбядняюць грамадзтва, заявіў часовы павераны ў справах ЗША ў Беларусі Майкл Скэнлан 24 жніўня ў Менску на прыёме, прысьвечаным свабодзе творчага выказваньня.
Паводле яго слоў, гэта сьведчыць пра боязь улады і яе глыбокі недавер да народу. «Прыгажосьць і праўда застаюцца назаўжды, а цэнзура — не. Няпісаныя забароны, абмежаваньні, адмена выстаў у апошнюю хвіліну супярэчаць духу творчасьці, якую прадстаўляеце вы, мастакі», — сказаў дыплямат. Ён выказаў надзею, што найбліжэйшым часам «гэтыя сумныя падзеі» застануцца ў гісторыі.
Як адзначыў Скэнлан, магчымасьць свабодна выказваць свае погляды праз мастацтва, паэзію, прозу зьяўляецца асновай росту і развіцьця грамадзтва і асобы:
«Мноства канкурэнтных ідэй здольныя прымусіць нас крытычна ставіцца да сябе і грамадства ці, наадварот, даюць нам шанец атрымліваць асалоду ад прыгажосці. Але вырашаць, што глядзець, чытаць ці слухаць, павінен сам чалавек, а ня ўлада. Кожны разумее прыгажосьць па-свойму».
На прыёме выступілі музыкі й паэты, якія сутыкаюцца зь перашкодамі пры арганізацыі сваіх імпрэзаў. Сярод іх гурты Naka, «Палац», «Крамбамбуля», Дзьмітрый Вайцюшкевіч, Уладзімер Някляеў, Андрэй Хадановіч. У межах прыёму працавалі выставы, паказ якіх у поўным аб’ёме раней не ўдалося арганізаваць у іншых месцах. Гэта, у прыватнасьці, выстава «Прэс-фота Беларусі 2011», рэпрадукцыі амэрыканскіх аўтараў розных эпох, паведамляе БелаПАН.
Паводле яго слоў, гэта сьведчыць пра боязь улады і яе глыбокі недавер да народу. «Прыгажосьць і праўда застаюцца назаўжды, а цэнзура — не. Няпісаныя забароны, абмежаваньні, адмена выстаў у апошнюю хвіліну супярэчаць духу творчасьці, якую прадстаўляеце вы, мастакі», — сказаў дыплямат. Ён выказаў надзею, што найбліжэйшым часам «гэтыя сумныя падзеі» застануцца ў гісторыі.
Як адзначыў Скэнлан, магчымасьць свабодна выказваць свае погляды праз мастацтва, паэзію, прозу зьяўляецца асновай росту і развіцьця грамадзтва і асобы:
«Мноства канкурэнтных ідэй здольныя прымусіць нас крытычна ставіцца да сябе і грамадства ці, наадварот, даюць нам шанец атрымліваць асалоду ад прыгажосці. Але вырашаць, што глядзець, чытаць ці слухаць, павінен сам чалавек, а ня ўлада. Кожны разумее прыгажосьць па-свойму».
На прыёме выступілі музыкі й паэты, якія сутыкаюцца зь перашкодамі пры арганізацыі сваіх імпрэзаў. Сярод іх гурты Naka, «Палац», «Крамбамбуля», Дзьмітрый Вайцюшкевіч, Уладзімер Някляеў, Андрэй Хадановіч. У межах прыёму працавалі выставы, паказ якіх у поўным аб’ёме раней не ўдалося арганізаваць у іншых месцах. Гэта, у прыватнасьці, выстава «Прэс-фота Беларусі 2011», рэпрадукцыі амэрыканскіх аўтараў розных эпох, паведамляе БелаПАН.
