Лінкі ўнівэрсальнага доступу

logo-print

Арцём Грыбкоў: "Пра Лукашэнку ў турмах меркаваньні адназначныя"


Арцём Грыбкоў

Арцём Грыбкоў

Арцём Грыбкоў, якога вызвалілі з Бабруйскай калёніі паводле памілаваньня, распавёў пра настроі ў месцах зьняволеньня.

"Як мне сядзелася? Ды як можа быць ў турме? Усякага хапала, але трымаўся. Большасьць часу за кратамі я правеў на Валадарцы, а ў Бабруйскай калёніі – два тыдні ў карантыне ды тры дні ў атрадзе. Толькі пасьпеў разаслаць ложак – ідзі на волю. Адміністрацыя, канешне, за намі пільна сачыла, былі, як той казаў, пад калпаком. А людзі – гэта ўжо ад чалавека залежыць, як ты там сябе паставіш, так і будуць адносіцца. Да мяне ставіліся нядрэнна. Увогуле да нас ставіліся як да палітычных. Такі паказьнік: усе былі вельмі рады, што нас адпраўляюць дамоў. Да Лукашэнкі і ўвогуле да ўлады ставяцца адназначна – няма пра што і казаць. Эканамічную сытуацыю ацэньваюць праз свае праблемы: кошты ў атаварцы падняліся ўдвая, адсюль і стаўленьне. Вельмі незадаволеныя і хвалююцца, што будзе яшчэ горш".

Карэспандэнт: "На судзе пракурор і судзьдзя выкарыстоўвалі інфармацыю, паводле якой вы раней злоўжывалі алькаголем. Да гэтай акалічнасьць вярталіся зноў і зноў. Як гэта пракамэнтуеце?"

"Што тут зробіш – ім пад руку папалася інфармацыя, што я калісьці быў заўважаны з келіхам піва ды чаго мацнейшага і яны пачалі гэта падкрэсьліваць. Канешне, адзін беспрацоўны, адзін алькаголік, адзін невядома хто, адзін звольнены з шэрагаў міліцыі – вось вам і калектыўны партрэт сучаснага чалавека, які нешта разумее і гатовы змагацца за свае погляды. "

У адным з лістоў з турмы Арцём Грыбкоў, які захапляецца гітарай і сам піша вершы, дасылаў на волю свае вершы на беларускай мове, як ён сам сказаў, на "патрыятычную тэму". Гэтыя вершы, аднак, не былі прапушчаныя турэмнай цэнзурай.

Паказаць камэнтары

XS
SM
MD
LG