Вязьням Івацэвіцкай калёніі "Ваўчыныя норы" вядома пра зварот пісьменьніка Ўладзімера Арлова да начальнікаў беларускіх калёній.
Ільлю Васілевіча перавялі ў іншы атрад, калі вязень адмовіўся пісаць прашэньне аб памілаваньні. Са Зьмітром Бандарэнкам у шпіталі сустрэлася жонка.
Вязень івацэвіцкай калёніі Фёдар Мірзаянаў бачыў у руках камандзіра атраду калёніі адкрыты ліст пісьменьніка Ўладзімера Арлова, які той зьмясьціў у незалежным друку на пачатку жніўня. Пра гэта паведаміла маці палітвязьня Людміла Мірзаянава:
"Прыйшоў у карантын да іх камандзір атраду і сказаў, што ёсьць такі ліст пісьменьніка Арлова. А чаму ліст зьявіўся ў руках камандзіра атраду? Ці то начальнік калёніі гэты ліст атрымаў і потым раздаў камандзірам атрадаў, ці гэты камандзір сам яго надрукаваў — я ня ведаю. Фёдар толькі сказаў, што прыйшоў да іх камандзір атраду і ў яго быў гэты ліст. Той сказаў, што вось Уладзімер Арлоў зьвярнуўся да нашага кіраўніка турмы".
На пачатку жніўня Ўладзімер Арлоў напісаў адкрыты ліст да начальнікаў беларускіх турмаў і калёній, у тым ліку калёніі № 22 у Івацэвічах, дзе трымаюць палітвязьняў Фёдара Мірзаянава, Паўла Вінаградава, Эдуарда Лобава і Аляксандра Квяткевіча. На "Свабодзе" тэкст звароту зьявіўся 5 жніўня. Вядомы пісьменьнік падзяліўся сваім болем за лёсы асуджаных пасьля падзей 19 сьнежня. Напярэдадні зьявіліся зьвесткі, што палітвязьня Зьмітра Бандарэнку ў карцэры КДБ саджалі на ланцуг, як сабаку, і гэта стала дадатковым штуршком. "Я ўпэўнены, што ўлада, якая прыйдзе на зьмену цяперашняй, саджаць сваіх апанэнтаў на ланцуг ня будзе. Але адказваць давядзецца. Падумайце пра гэта, грамадзяне начальнікі, сёньня, калі ў вашых руках чалавечая годнасьць, здароўе, а магчыма, і жыцьцё тых, чые імёны ведае ня толькі Беларусь, але і ўвесь свабодны сьвет", — напісаў Уладзімер Арлоў. Адметна, што Ўладзімер Арлоў адмыслова не накіроўваў свой ліст на адрасы калёній. Тое, што зварот не абмінуў турэмных муроў, пісьменьнік пракамэнтаваў "Свабодзе":
"Я быў перакананы, што нейкім чынам ліст дойдзе да іх. Бо ўсе яны карыстаюцца інтэрнэтам, безумоўна, чытаюць ня толькі дзяржаўную прэсу. Бо кожны разумны чалавек усьведамляе, што дзяржаўная прэса, як і дзяржаўныя радыё і тэлебачаньне, са сродку інфармацыі ператварыліся ў сродак прапаганды. Але якіх бы ні быў поглядаў чалавек, ён усё роўна хоча ведаць і незалежную інфармацыю. Таму я быў абсалютна ўпэўнены, што гэтыя людзі альбо самі, альбо праз падначаленых атрымаюць гэты ліст".
Як цяпер справы ў Зьмітра Бандарэнкі, пра якога згадваў у сваім лісьце Уладзімер Арлоў? Як вядома, два тыдні таму палітвязьню зрабілі апэрацыю. Застаецца пагроза, што Бандарэнку неўзабаве перавядуць з 5-й клінікі ў турэмны шпіталь, дзе ўмовы для рэабілітацыі значна горшыя. "Але гэтага пакуль не адбылося", — з задавальненьнем адзначае жонка вязьня Вольга. 10 жніўня Вольга наведвала Зьмітра ў шпіталі. Пра ягонае самаадчуваньне пасьля апэрацыі яна распавяла:
"Ён ужо падымаецца і нават ходзіць, але шмат ня можа. Бо пачынаюцца болі, стамляецца і гэтак далей. Ён сам кажа пра вынік апэрацыі, што правая нага быццам лепшае, гэтак яму здаецца. Але пакуль стапу на сябе браць ня можа, на пятку ступаць ня можа — няма гэтага рэфлексу. І яшчэ кажа, што працягвае нямець левая нага".
Вязень 19-й калёніі ў Магілёве Ільля Васілевіч у лісьце паведаміў, што пасьля адмовы падпісваць прашэньне на імя Лукашэнкі аб памілаваньні яго перавялі ў іншы атрад. Магчыма, гэты перавод разглядаецца як пакараньне. Нагадаю, 6 дзён таму Ільля Васілевіч, асуджаны за Плошчу на 3 гады зьняволеньня, адзначыў у калёніі дваццацігодзьдзе.
Ільлю Васілевіча перавялі ў іншы атрад, калі вязень адмовіўся пісаць прашэньне аб памілаваньні. Са Зьмітром Бандарэнкам у шпіталі сустрэлася жонка.
Вязень івацэвіцкай калёніі Фёдар Мірзаянаў бачыў у руках камандзіра атраду калёніі адкрыты ліст пісьменьніка Ўладзімера Арлова, які той зьмясьціў у незалежным друку на пачатку жніўня. Пра гэта паведаміла маці палітвязьня Людміла Мірзаянава:
"Прыйшоў у карантын да іх камандзір атраду і сказаў, што ёсьць такі ліст пісьменьніка Арлова. А чаму ліст зьявіўся ў руках камандзіра атраду? Ці то начальнік калёніі гэты ліст атрымаў і потым раздаў камандзірам атрадаў, ці гэты камандзір сам яго надрукаваў — я ня ведаю. Фёдар толькі сказаў, што прыйшоў да іх камандзір атраду і ў яго быў гэты ліст. Той сказаў, што вось Уладзімер Арлоў зьвярнуўся да нашага кіраўніка турмы".
На пачатку жніўня Ўладзімер Арлоў напісаў адкрыты ліст да начальнікаў беларускіх турмаў і калёній, у тым ліку калёніі № 22 у Івацэвічах, дзе трымаюць палітвязьняў Фёдара Мірзаянава, Паўла Вінаградава, Эдуарда Лобава і Аляксандра Квяткевіча. На "Свабодзе" тэкст звароту зьявіўся 5 жніўня. Вядомы пісьменьнік падзяліўся сваім болем за лёсы асуджаных пасьля падзей 19 сьнежня. Напярэдадні зьявіліся зьвесткі, што палітвязьня Зьмітра Бандарэнку ў карцэры КДБ саджалі на ланцуг, як сабаку, і гэта стала дадатковым штуршком. "Я ўпэўнены, што ўлада, якая прыйдзе на зьмену цяперашняй, саджаць сваіх апанэнтаў на ланцуг ня будзе. Але адказваць давядзецца. Падумайце пра гэта, грамадзяне начальнікі, сёньня, калі ў вашых руках чалавечая годнасьць, здароўе, а магчыма, і жыцьцё тых, чые імёны ведае ня толькі Беларусь, але і ўвесь свабодны сьвет", — напісаў Уладзімер Арлоў. Адметна, што Ўладзімер Арлоў адмыслова не накіроўваў свой ліст на адрасы калёній. Тое, што зварот не абмінуў турэмных муроў, пісьменьнік пракамэнтаваў "Свабодзе":
"Я быў перакананы, што нейкім чынам ліст дойдзе да іх. Бо ўсе яны карыстаюцца інтэрнэтам, безумоўна, чытаюць ня толькі дзяржаўную прэсу. Бо кожны разумны чалавек усьведамляе, што дзяржаўная прэса, як і дзяржаўныя радыё і тэлебачаньне, са сродку інфармацыі ператварыліся ў сродак прапаганды. Але якіх бы ні быў поглядаў чалавек, ён усё роўна хоча ведаць і незалежную інфармацыю. Таму я быў абсалютна ўпэўнены, што гэтыя людзі альбо самі, альбо праз падначаленых атрымаюць гэты ліст".
Як цяпер справы ў Зьмітра Бандарэнкі, пра якога згадваў у сваім лісьце Уладзімер Арлоў? Як вядома, два тыдні таму палітвязьню зрабілі апэрацыю. Застаецца пагроза, што Бандарэнку неўзабаве перавядуць з 5-й клінікі ў турэмны шпіталь, дзе ўмовы для рэабілітацыі значна горшыя. "Але гэтага пакуль не адбылося", — з задавальненьнем адзначае жонка вязьня Вольга. 10 жніўня Вольга наведвала Зьмітра ў шпіталі. Пра ягонае самаадчуваньне пасьля апэрацыі яна распавяла:
"Ён ужо падымаецца і нават ходзіць, але шмат ня можа. Бо пачынаюцца болі, стамляецца і гэтак далей. Ён сам кажа пра вынік апэрацыі, што правая нага быццам лепшае, гэтак яму здаецца. Але пакуль стапу на сябе браць ня можа, на пятку ступаць ня можа — няма гэтага рэфлексу. І яшчэ кажа, што працягвае нямець левая нага".
Вязень 19-й калёніі ў Магілёве Ільля Васілевіч у лісьце паведаміў, што пасьля адмовы падпісваць прашэньне на імя Лукашэнкі аб памілаваньні яго перавялі ў іншы атрад. Магчыма, гэты перавод разглядаецца як пакараньне. Нагадаю, 6 дзён таму Ільля Васілевіч, асуджаны за Плошчу на 3 гады зьняволеньня, адзначыў у калёніі дваццацігодзьдзе.