Лінкі ўнівэрсальнага доступу

Вышэйшы гаспадарчы суд адмовіў Партыі БНФ


Управа БНФ рыхтуецца да высяленьня

Управа БНФ рыхтуецца да высяленьня

11 жніўня касацыйная калегія Вышэйшага гаспадарчага суду Беларусі разгледзела скаргі Партыі БНФ і грамадзкага аб'яднаньня БНФ "Адраджэньне" на рашэньне Менскага гарадзкога суду аб высяленьні гэтых арганізацыяў з памяшканьня па праспэкце Машэрава, 8. Рашэньні суду першай інстанцыі былі пакінутыя бязь зьменаў, у скаргах заяўнікам было адмоўлена.

Такім чынам, суд вышэйшай інстанцыі пацьвердзіў рашэньне аб высяленьні БНФ з памяшканьня, якое партыя займала з 1992 году. Гэтае рашэньне ўжо ўступіла ў сілу, і пад ціскам прымусовага высяленьня партыя мусіла пакінуць стары офіс, паведамляе прэс-служба БНФ.

Як адзначыў у судзе старшыня партыі БНФ Аляксей Янукевіч, рашэньне выселіць партыю БНФ з гістарычнай штаб-кватэры абумоўленае палітычнымі чыньнікамі:

"Захады супраць БНФ робяцца сынхронна з наступам на ўсе арганізацыі грамадзянскай супольнасьці, у тым ліку ажыцьцяўляецца ціск на Беларускі Хэльсынскі камітэт і крымінальны перасьлед вядомага дзеяча праваабарончага руху Алеся Бяляцкага".

Палітык падкрэсьліў, што пазбаўленьне Партыі БНФ памяшканьня на праспэкце Машэрава стала помстай за акцыю салідарнасьці з палітзьняволеным, якая была распачатая ў офісе партыі пасьля падзеяў 19 сьнежня мінулага году.

У Партыі БНФ засталася магчымасьць абскардзіць рашэньне аб высяленьні ў наглядным парадку. Па словах прадстаўнікоў Партыі БНФ, яны будуць разглядаць магчымасьць выкарыстаньня гэтага сродку абароны ў залежнасьці ад таго, ці здадуць памяшканьне былой сядзібы іншаму арандатару.

Ваша меркаваньне

Паказаць камэнтары

XS
SM
MD
LG