3 жніўня ўпершыню за два апошнія месяцы ў Менску і рэгіёнах не адбыліся акцыі маўклівага пратэсту. Гэтым разам інтэрнэт-супольнасьць "Рэвалюцыя праз сацыяльную сетку" не прапаноўвала сваім удзельнікам выходзіць на загадзя прызначаныя месцы. Такім чынам, акцыя супраціву замарожваецца на нявызначаны час.
У правядзеньні акцыяў пратэсту арганізатары зрабілі перапынак. Колькі ён працягнецца, пакуль невядома. Выказваюцца меркаваньні, што неабходны пэўны час, каб набрацца моцы і новых ідэяў.
"Лягічным" назваў гэтае рашэньне ў размове са "Свабодай" палітоляг Аляксандар Класкоўскі:
"Хоць самі лідэры-ініцыятары кажуць пра сябе, што яны не арганізатары, а толькі адміністратары, і ўсё ідзе зьнізу, — усё адно каардынацыя гэтая адчувалася. І я думаю, што, валодаючы гэтымі вагарамі, варта было злавіць момант піку гэтых акцыяў, каб прыгожа і больш элегантна зрабіць гэтую паўзу. Арганізатары постфактум прызналіся, што ім не хапіла досьведу і ў гэтым сэнсе яны нарабілі памылак.
І ўсё ж варта найперш падкрэсьліць не памылкі, а тое, што сваю ролю гэтыя акцыі адыгралі. У тым сэнсе, што яны паказалі моц новых тэхналёгіяў. І яны паказалі таксама, што грамадзтва не скарылася, не збаялася, што пратэстны патэнцыял ёсьць.
Я думаю, што ў новых варунках, а яны будуць складанымі і для ўлады, і для грамадзтва, гэта яшчэ спрацуе. І падчас нейкіх новых забурэньняў, новай хвалі пратэстаў яны будуць рэалізоўвацца, у тым ліку і ў гэтых новых формах — празь сеціва, праз інтэрнэт".
Сябра арганізацыйнага камітэту па стварэньні "Беларускага руху" Вінцук Вячорка кажа, што трэба паважаць дэмакратычнае рашэньне саміх удзельнікаў інтэрнэт-супольнасьці пра часовае спыненьне акцыі:
"Чыста такі творчы, для абазнаных, пратэст з дэманстратыўнай тэатралізацыяй, пэўна, дайшоў да сваёй верхняй мяжы. Наша ўлада паказала, што, у адрозьненьне ад польскай улады часоў Ярузэльскага, яна не баіцца выглядаць сьмешна, недарэчна, абуральна. А як інакш, калі дубасілі людзей, якія нічога наагул не рабілі?! Бо калі ў Польшчы былі акцыі тэатру "Памаранчавая альтэрнатыва", там ва ўлады хапала мазгоў не чапаць актораў і тых, хто да іх далучаўся.
Ясна, што рызыкаваць, ісьці на заведамае зьбіцьцё альбо арышт людзі ўсё ж мусяць за ясьней сфармуляваную ідэю. І, напэўна, настае час якраз такой — ясьней сфармуляванай ідэі".
Магчыма, новую ідэю ўдзельнікі маўклівых акцыяў знойдуць сумесна з арганізатарамі восеньскіх Народных сходаў. Пра такі варыянт "Свабодзе" сёньня сказаў Аляксандар Сьцепаненка — актывіст Аб'яднанай грамадзянскай партыі, які сам адседзеў пяць сутак за ўдзел у згаданых акцыях:
"Трэба аб'ядноўвацца. Цяпер, як ніколі, не павінна быць ніякіх разыходжаньняў. Трэба працаваць супольна".
Не адмаўляюцца ад кантактаў і арганізатары Народных сходаў. Пра гэта сёньня сказаў і адзін зь лідэраў незалежных прафсаюзаў Генадзь Фядыніч:
"Акцыя, якая называецца "Народны сход", адчыненая для ўсіх. І таму любую ініцыятыву, якая будзе паходзіць ад грамадзянаў, мы прымем. І будзем працаваць разам, каб гэта лепей атрымалася".
Усяго ў Беларусі на працягу апошніх месяцаў адбылося дзесяць падобных акцыяў. Падчас іх затрымана каля дзьвюх тысяч чалавек.
У правядзеньні акцыяў пратэсту арганізатары зрабілі перапынак. Колькі ён працягнецца, пакуль невядома. Выказваюцца меркаваньні, што неабходны пэўны час, каб набрацца моцы і новых ідэяў.
"Лягічным" назваў гэтае рашэньне ў размове са "Свабодай" палітоляг Аляксандар Класкоўскі:
І ўсё ж варта найперш падкрэсьліць не памылкі, а тое, што сваю ролю гэтыя акцыі адыгралі. У тым сэнсе, што яны паказалі моц новых тэхналёгіяў. І яны паказалі таксама, што грамадзтва не скарылася, не збаялася, што пратэстны патэнцыял ёсьць.
Я думаю, што ў новых варунках, а яны будуць складанымі і для ўлады, і для грамадзтва, гэта яшчэ спрацуе. І падчас нейкіх новых забурэньняў, новай хвалі пратэстаў яны будуць рэалізоўвацца, у тым ліку і ў гэтых новых формах — празь сеціва, праз інтэрнэт".
Сябра арганізацыйнага камітэту па стварэньні "Беларускага руху" Вінцук Вячорка кажа, што трэба паважаць дэмакратычнае рашэньне саміх удзельнікаў інтэрнэт-супольнасьці пра часовае спыненьне акцыі:
Ясна, што рызыкаваць, ісьці на заведамае зьбіцьцё альбо арышт людзі ўсё ж мусяць за ясьней сфармуляваную ідэю. І, напэўна, настае час якраз такой — ясьней сфармуляванай ідэі".
Магчыма, новую ідэю ўдзельнікі маўклівых акцыяў знойдуць сумесна з арганізатарамі восеньскіх Народных сходаў. Пра такі варыянт "Свабодзе" сёньня сказаў Аляксандар Сьцепаненка — актывіст Аб'яднанай грамадзянскай партыі, які сам адседзеў пяць сутак за ўдзел у згаданых акцыях:
"Трэба аб'ядноўвацца. Цяпер, як ніколі, не павінна быць ніякіх разыходжаньняў. Трэба працаваць супольна".
Не адмаўляюцца ад кантактаў і арганізатары Народных сходаў. Пра гэта сёньня сказаў і адзін зь лідэраў незалежных прафсаюзаў Генадзь Фядыніч:
"Акцыя, якая называецца "Народны сход", адчыненая для ўсіх. І таму любую ініцыятыву, якая будзе паходзіць ад грамадзянаў, мы прымем. І будзем працаваць разам, каб гэта лепей атрымалася".
Усяго ў Беларусі на працягу апошніх месяцаў адбылося дзесяць падобных акцыяў. Падчас іх затрымана каля дзьвюх тысяч чалавек.
