Лінкі ўнівэрсальнага доступу

МЗС: Беларусь ня брала на сябе абавязаньня не прымяняць сьмяротнага пакараньня


Заява Камітэту правоў чалавека ААН аб парушэньні Беларусьсю міжнародных абавязаньняў з нагоды расстрэлу Алега Грышкаўцова і Андрэя Бурдыкі, справы якіх знаходзіліся на разглядзе камітэту, неправамерная. Так пракамэнтаваў сытуацыю прэс-сакратар МЗС Беларусі Андрэй Савіных.

Савіных цытуе агенцтва БЕЛТА.

“Мы не падзяляем ацэнкі Камітэту ААН па правах чалавека. Яны зроблены на падставе ўласнага тлумачэньня правапрымяняльнай практыкі за рамкамі міжнародных пагадненьняў і не адпавядаюць палажэньням Міжнароднага пакту аб грамадзянскіх і палітычных правах", – сказаў Андрэй Савіных.

“Дарэчы нагадаць, што Беларусь ня брала на сябе абавязаньняў не прымяняць сьмяротнае пакараньне. Мы заклікаем Камітэт ААН адмовіцца ад практыкі суб'ектыўнай інтэрпрэтацыі міжнародных дагавораў", - заявіў А.Савіных.

Паказаць камэнтары

XS
SM
MD
LG