Некалі францускі філёзаф Агюст Рэнан зазначыў, што найлепшы сродак падкрэсьліць важнасьць якой-небудзь падзеі ці зьявы — прыбраць яе й паказаць, чым сьвет зрабіўся б безь яе. Мы паспрабавалі адваротнае --
вярнуць рэчы, безь якіх сьвет існуе.
Іранічны і элегічны Вінцэсь Мудроў, пісьменьнік з памяцьцю, якая вымяраецца тэрабайтамі, і настальгіяй, як выбух шампанскага, усё лета 2006 году прамаўляў у эфіры словы савецкага часу, якіх спачатку баяліся, зь якіх потым сьмяяліся й на якія пазьней забыліся.
Фэерычная рэакцыя слухачоў засьведчыла, што ня ўсё скончылася, калі скончылася, а многае з забытага ў сучаснай Беларусі забуяла, быццам палескія балоты патрапілі ў тропікі і зноў пануе закон джунгляў.
Мінулае сапраўды вяртаецца, каб застрашыць, але само баіцца простага пляску і маўклівай усьмешкі.
Хочаце праверыць – разгарніце “Альбом сямейны”.
Аляксандар Лукашук,
дырэктар Беларускай службы Радыё Свабода
вярнуць рэчы, безь якіх сьвет існуе.
Іранічны і элегічны Вінцэсь Мудроў, пісьменьнік з памяцьцю, якая вымяраецца тэрабайтамі, і настальгіяй, як выбух шампанскага, усё лета 2006 году прамаўляў у эфіры словы савецкага часу, якіх спачатку баяліся, зь якіх потым сьмяяліся й на якія пазьней забыліся.
Фэерычная рэакцыя слухачоў засьведчыла, што ня ўсё скончылася, калі скончылася, а многае з забытага ў сучаснай Беларусі забуяла, быццам палескія балоты патрапілі ў тропікі і зноў пануе закон джунгляў.
Мінулае сапраўды вяртаецца, каб застрашыць, але само баіцца простага пляску і маўклівай усьмешкі.
Хочаце праверыць – разгарніце “Альбом сямейны”.
Аляксандар Лукашук,
дырэктар Беларускай службы Радыё Свабода