Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

НАДВОР’Е...


... парасон не зашкодзіць, месцамі кароткачасовыя дажджы і навальніцы. Тэмпэратура: ад +25 да +30, на захадзе +19–24

ТАМ, ДЗЕ НАС НЯМА:


У Рыме агенцтва харчаваньня ААН праводзіць экстранае паседжаньне ў справе голаду ў краінах Афрыканскага Рогу

У Ган-Конгу дзяржсакратарка ЗША Гілары Клінтан праводзіць сустрэчу зь кіраўніцтвам гэтага кітайскага анкляву

У Вашынгтоне міністар фінансаў Грэцыі Эвангелас Вэнізэлас сустракаецца з генэральнай дырэктаркай Міжнароднага Валютнага фонду Крыстын Лягард

ТАКСАМА Ў ГЭТЫ ДЗЕНЬ


У 1410 годзе войскі Польшчы і Вялікага Княства Літоўскага пачалі аблогу сталіцы Тэўтонскага ордэну – гораду Марыенбургу

У 1917 годзе ў Менску скончыўся Зьезд беларускіх арганізацый i партый, які ўтварыў Цэнтральную раду беларускіх арганізацый

У гэты дзень нарадзіліся:

У 1840 годзе – Юльян Крачкоўскі, беларускі фальклярыст, этнограф, гісторык і пэдагог

У 1910 годзе – Генадзь Цітовіч, беларускі дзеяч харавога мастацтва, кампазытар, дырыжор, фальклярыст, заснавальнік і кіраўнік Дзяржаўнага акадэмічнага хору Беларусі

У 1912 годзе – Сяргей Астрэйка, беларускі паэт

У 1916 годзе – Мікалай Каранеўскі, інжынэр, дзяяч беларускай эміграцыі ў Аўстраліі

У 1937 годзе – Дзьмітры Смольскі, беларускі кампазытар і пэдагог

У 1947 годзе – Аляксандар Мілінкевіч, беларускі палітык

У гэты дзень памерлі:

У 1592 годзе – Ян Кішка, дзяржаўны дзяяч ВКЛ, кальвініст, які ў Іўі заснаваў арыянскую акадэмію, а ў Лоску – друкарню, дзе, у прыватнасьці, друкаваліся кнігі Сымона Буднага

У 1877 годзе – Іван Насовіч, беларускі філёляг, этнограф і фальклярыст, стваральнік “Слоўніка беларускай мовы”

У 1931 годзе – Міхал Пятроўскі, беларускі хрысьціянска-дэмакратычны дзяяч, каталіцкі сьвятар, прыхільнік беларусізацыі касьцёлу

У 1945 годзе – Станіслаў Грынкевіч, беларускі лекар, пісьменьнік, культурны, грамадзкі і палітычны дзяяч

У 1980 годзе – расейски актор, паэт і бард Уладзімер Высоцкі.

У 1984 годзе – беларускі пісьменьнік Уладзімер Караткевіч.

У 1997 годзе – Натальля Арсеньнева, беларуская паэтка

У 2001 годзе – Дзяніс Хвастоўскі, беларускі паэт

У 2006 годзе – народны пісьменьнік Беларусі Янка Брыль

НЕ ПРАХОДЗЬЦЕ МІМА:


У катэдральным касьцёле Пінску адбудзецца пахаваньне апостальскага адміністратара Пінскай дыяцэзіі, былога Менска-Магілёўскага мітрапаліта, кардынала Казіміра Сьвётка, які памёр 21 ліпеня на 97-м годзе жыцьця

У менскім паб-клюбе "Графіці" (зав. Калініна, 16) выступае панк-рок гурт Neuro Dubel. Пачатак а 19.00

У Берасьці ў Музэі ўратаваных каштоўнасьцяў адчыняецца экспазыцыя фотамастачкі Тацяны Мухароўскай у рамках фотавыставы “Пэрліны зялёнага кальца”

МІНУС 365:


Пуцін: інфармацыйнай вайны зь Беларусьсю няма

ЦЫТАТА НА ПАМЯЦЬ:


Зусім не хістаюцца слупы, асабліва – глыбока ўкапаныя.

Янка Брыль
XS
SM
MD
LG