Лінкі ўнівэрсальнага доступу

Барыса Хамайду «схавалі» ад «Славянскага базару»


Барыс Хамайда ля «сіняга дома»

Барыс Хамайда ля «сіняга дома»

Вядомы віцебскі апазыцыянэр арыштаваны на трое сутак. Яго затрымалі каля так званага «сіняга дома» ў цэнтры Віцебску, дзе ён штодня распаўсюджвае незалежную прэсу.

Судзьдзя Чыгуначнага райсуду Ўладзіслаў Шыкароў прызнаў спадара Хамайду вінаватым у арганізацыі несанкцыянаванага пікету і прысудзіў яму арышт. Хоць каля «сіняга дома» — дома № 28 па вуліцы Леніна — апазыцыянэра пад бел-чырвона-белым парасонам можна бачыць практычна штодня, і калі ў горадзе не чакаецца нічога надзвычайнага, то да распаўсюдніка незалежных СМІ ў міліцыі прэтэнзій няма.

8 ліпеня — урачыстае адкрыцьцё 20-га фэстывалю «Славянскі базар у Віцебску», на якое мае прыехаць Аляксандар Лукашэнка. Да таго ж чакаецца адкрыцьцё новага культурна-дзелавога цэнтру ў так званай «пірамідзе» — новым будынку каля «сіняга дома».

Для Барыса Хамайды арышт нечаканасьцю ня стаў: амаль штогод перад пачаткам фэстывальных імпрэзаў яго затрымліваюць і асуджваюць на «суткі» — каб не «псаваў» імідж гораду.

Паказаць камэнтары

XS
SM
MD
LG