Актывісты Берасьця — супраць гвалтоўных зьнікненьняў людзей
Актывісты Аб’яднанай грамадзянскай партыі, «Маладых дэмакратаў», руху «За Свабоду», прафсаюзу РЭП і праваабаронцы Берасьця зьвярнуліся да гарадзкіх уладаў з заявай на правядзеньне пікету супраць гвалтоўных зьнікненьняў людзей.
Праваабаронца Раман Кісьляк паведаміў БелаПАН, што мэта акцыі — прыцягнуць увагу да фактаў гвалтоўных зьнікненьняў і іншых парушэньняў падчас затрыманьняў людзей у абласным цэнтры.
«Я лічу, неабходна тэрмінова выказаць пратэст супраць абуральных фактаў утойваньня ў Берасьці інфармацыі пра месца знаходжаньня затрыманых, а таксама спробаў выкраданьня 3 ліпеня людзей на скрыжаваньні вуліц Пушкінскай і Карла Маркса побач з галоўнай плошчай гораду», — адзначыў праваабаронца.
Пікет заплянаваны на 7 ліпеня невыпадкова: «7 ліпеня 2000 году бясьсьледна зьнік у Беларусі апэратар расейскага каналу ОРТ Дзьмітрый Завадзкі», — адзначыў Раман Кісьляк.
Актывісты Аб’яднанай грамадзянскай партыі, «Маладых дэмакратаў», руху «За Свабоду», прафсаюзу РЭП і праваабаронцы Берасьця зьвярнуліся да гарадзкіх уладаў з заявай на правядзеньне пікету супраць гвалтоўных зьнікненьняў людзей.
Праваабаронца Раман Кісьляк паведаміў БелаПАН, што мэта акцыі — прыцягнуць увагу да фактаў гвалтоўных зьнікненьняў і іншых парушэньняў падчас затрыманьняў людзей у абласным цэнтры.
«Я лічу, неабходна тэрмінова выказаць пратэст супраць абуральных фактаў утойваньня ў Берасьці інфармацыі пра месца знаходжаньня затрыманых, а таксама спробаў выкраданьня 3 ліпеня людзей на скрыжаваньні вуліц Пушкінскай і Карла Маркса побач з галоўнай плошчай гораду», — адзначыў праваабаронца.
Пікет заплянаваны на 7 ліпеня невыпадкова: «7 ліпеня 2000 году бясьсьледна зьнік у Беларусі апэратар расейскага каналу ОРТ Дзьмітрый Завадзкі», — адзначыў Раман Кісьляк.