Лінкі ўнівэрсальнага доступу

Сямашка пра даляр, Белтрансгаз, электрычнасьць, МАЗ і камуналку


Уладзімер Сямашка

Уладзімер Сямашка

Да канца году пастаўлена задача зьвесьці існуючыя валютныя курсы да аднаго. Мяркуецца адзін даляр будзе каштаваць прыкладна 5 тысяч беларускіх рублёў, а можа быць крыху больш.

Пра гэта сёньня заявіў падчас выступу ў Нацыянальным сходзе Беларусі, першы намесьнік кіраўніка беларускага ўраду Ўладзімер Сямашка.

Ён сказаў, што асноўнай праблемай для беларускіх прадпрыемстваў застаецца множнасьць курсаў. Уладзімер Сямашка адзначыў, што дэвальвацыя – гэта дабро для экспартэраў. Як паказваюць вынікі траўня, гэты месяц стаў пераломным, бо ўпершыню тэмпы экспарту перавысілі тэмпы імпарту амаль на 2%.

Аднак агульнае адмоўнае сальда Беларусі па таварах і паслугах складае 2,8 млрд. даляраў альбо 15% ад ВУП. У той жа час гэты прагнозны паказьнік складае 9% ад ВУП. У цэлым, ацэньваючы сытуацыю, Сямашка назваў яе неадназначнай, але падкрэсьліў, што існуе рэальная дынаміка вытворчасьці.

Пра кошт "Беларуськалія"


Кошт "Беларуськалія" будзе расьці ня з году ў год, а зь месяца ў месяц, заявіў першы віцэ-прэм'ер Беларусі Ўладзімер Сямашка.

Ён адзначыў, што апошнія кантракты, падпісаныя беларускім прадпрыемствам з Кітаем, дзе адна тона ўгнаеньняў каштуе 470 даляраў, і з Бразіліяй, дзе кошт адной тоны складае 530 даляраў, сьведчаць, што калійныя ўгнаеньні неабходныя розным краінам. Попыт на іх будзе ўзрастаць, а сыходзячы з гэтага, будзе расьці і кошт прадпрыемства. Таму 30 мільярдаў ацэначнага кошту "Беларуськалія" можна разглядаць як стартавую цану.



Урад не плянуе павышаць кошты на паслугі ЖКГ


Да канца года ўрад не плянуе павышаць кошты на паслугі жыльлёва-камунальнай гаспадаркі.

Пра гэта заявіў першы віцэ-прэм'ер беларускага ўраду Ўладзімер Сямашка падчас выступу ў Нацыянальным сходзе.

Ён прызнаў, што гэта даволі цяжка для нашай эканомікі. Але перамовы, якія цяпер вядуцца з "Газпромам" наконт таго, каб замарозіць, а можа нават зьнізіць кошты на расейскі газ, даюць пэўную пэрспэктыву. Паводле Сямашкі, да канца года ў прамысловасьці плянуецца вярнуць сярэдні заробак да 400 даляраў. Ён лічыць, што гэта рэальная задача, а ў наступным годзе "мы будзем вырашаць задачу як выйсьці на 500 даляраў у месяц і рухацца далей".


Беларусь гатовая прадаць 50% акцый "Белтрансгазу"


Чакаецца, што сёньня вырашыцца пытаньне аб продажы "Газпрому" другой паловы акцый "Белтрансгазу".

Пра гэта заявіў першы віцэ-прэм'ер урада Беларусі Уладзімер Сямашка падчас выступу ў Нацыянальным сходзе.

Ацэньваючы хаду перамоваў з "Газпромам", Сямашка сказаў, што
"зь Мілерам мы пра ўсё дамовіліся, ідзе ўзгадненьне і сёньня павінна быць рашэньне, я чакаю званка Мілера". Сямашка прывёў словы кіраўніка
"Газпрома", што той чакае званка ад кіраўніцтва Расеі.

"Мы гаворым, што гатовыя пры пэўных умовах прадаць
50% акцый "Белтрансгазу". Пры ўмове, што ў рамках пагадненьняў,
якія мы падпісалі па АЭП, мы знойдзем агульную мову па цэнах, з
2012 года, тады мы гатовыя прадаць пакет акцый ", - адзначыў
віцэ-прэм'ер, перадае Інтэрфакс.



Беларусь разьлічваецца за расейскую электраэнэргію


29 чэрвеня Беларусь пералічыла расейскай кампаніі "Интер РАО ЕЭС" 21 мільён даляраў.

Пра гэта заявіў першы віцэ-прэм'ер беларускага ўраду Ўладзімер Сямашка падчас выступу ў Нацыянальным сходзе.

"Я вас запэўніваю, што сёньня ці заўтра мы пералічым яшчэ 21 мільён даляраў. І пастаўкі электраэнэргіі ў Беларусь будуць адноўленыя. Вакол гэтага ня трэба рабіць ніякага ажыятажу".

Паводле Сямашкі, з усёй электраэнэргіі, якую спажывае Беларусь, толькі 8% складае расейская. І калі раптам ня будзе гэтага імпарту, то "мы гэта лёгка перажывем". Кампаніі "Интер РАО ЕЭС" больш выгадна прадаваць электраэнэргію ў Беларусь, "чым нам яе купляць"."Яны на гэтым добра зарабляюць", - сказаў Сямашка.


Пра зьліцьцё МАЗа і КАМАЗа


Незалежная замежная экспэртыза правядзе рынкавую ацэнку Менскага аўтамабільнага заводу і яго спадарожнікаў, кшталту БАТЭ, маторнага і некаторых іншых прадпрыемстваў. Гэтыя ж экспэрты ацэняць таксама КАМАЗ і яго спадарожнік.

Пасьля гэтага расейскія і беларускія аўтамабільныя вытворцы створаць аўтамабільны холдынг РосБелавто. Пра гэта заявіў сёньня першы віцэ-прэмьер Уладзімер Сямашка.

Ён таксама адзначыў, што КАМАЗ не адзінае прадпрыемства, якое праяўляе зацікаўленасьць да МАЗа.

"Мы гэта ўсе ўлічваем і выберам лепшага партнэра на гэтым вясельлі".

Уладзімер Сямашка сказаў, што незалежна ад плянаў аб'яднаньня, МАЗ ставіць амбіцыйную задачу падвоіць вытворчасьць і ў 2015 годзе выпусьціць да 30 тысяч аўтамабіляў.

Паказаць камэнтары

XS
SM
MD
LG