Лінкі ўнівэрсальнага доступу

Ежы Бузэк пра разгон у Менску: “Сапраўдныя лідэры слухаюць голас свайго народу”


Старшыня Эўрапарлямэнту Ежы Бузэк сёньня асудзіў разгон “маўклівага пратэсту” ў Менску 22 чэрвеня і запатрабаваў вызваленьня ўсіх затрыманых.

“Я заклікаю беларускія ўлады неадкладна вызваліць пратэстоўцаў, арыштаваных учора вечарам, якія ўсё яшчэ застаюцца пад вартай або чакаюць суду. Сапраўдныя лідэры прыслухоўваюцца да голасу свайго народу; дыктатары ж зьнявольваюць яго за слушныя патрабаваньні. Зьмены прыйдуць урэшце і ў Беларусь, так як яны прыйшлі на ўзьбярэжжа Паўночнай Афрыкі. Рэпрэсіўныя захады робяць гэтыя зьмены толькі больш непазьбежнымі”, – сказаў Ежы Бузэк у адмысловай заяве.

Старшыня Эўрапарлямэнту таксама прывітаў рашэньне міністраў замежных спраў Эўразьвязу ад 20 чэрвеня ўвесьці ўпершыню мэтавыя санкцыі супраць дзяржаўных прадпрыемстваў, зьвязаных зь беларускім рэжымам.

Паказаць камэнтары

XS
SM
MD
LG