Лінкі ўнівэрсальнага доступу

logo-print

Суд спыніў справу супраць калінкавіцкага актывіста Васіля Сіліверста


Васіль Сіліверст

Васіль Сіліверст

Сёньня Калінкавіцкі раённы суд спыніў адміністрацыйную справу супраць грамадзкага актывіста, чарнобыльскага ліквідатара, інваліда II групы Васіля Сіліверста.

Справу ў суд супраць актывіста паводле артыкулу 17.6 КоАП «Заведама ілжывае паведамленьне» падпісалі начальнікі Ельскай і Калінкавіцкай раённых міліцый Анатоль Якімец і Васіль Кузьменка.

Васіль Сіліверст жыве ў Калінкавічах. А ў вёсцы Млынок Ельскага раёну захаваўся дом ягонай цешчы, у якім Васіль аднойчы па прыезьдзе не далічыўся газавай пліты й выклікаў міліцыю, западозрыўшы крадзеж. Аднак высьветлілася, што газавую пліту забралі мясцовыя ўлады, паколькі дом заставаўся ў камунальнай уласнасьці. Ельская міліцыя палічыла выклік ілжывым і склала адміністрацыйны пратакол.

У справе, перададзенай у суд, была й даведка пра тое, што з 2003 году спадара Сіліверста затрымлівалі 7 разоў. Пра асобныя інцыдэнты, датычныя грамадзкай дзейнасьці Сіліверста, паведамлялася ў СМІ.

Міліцыя яшчэ мае магчымасьць аспрэчыць пастанову суду.

Паказаць камэнтары

XS
SM
MD
LG