Аднавіць давер міжнароднай супольнасьці да развіцьця ядзернай энэргетыкі заклікаў генэральны дырэктар МАГАТЭ Юкія Амана. Ён выступіў на скліканай па яго ініцыятыве канферэнцыі МАГАТЭ ў Вене. Амана адзначыў, што пасьля аварыі на японскай Фукусіме давер міжнароднай супольнасьці да ядзернай энэргетыкі пахіснуўся і што “працягваць працу ў ранейшым , звычайным рэжыме мы ня можам”. Амана прапанаваў зрабіць стандарты бясьпекі МАГАТЭ больш жорсткімі . Паколькі агенцтва не мае магчымасьці праверыць усе 440 ядзерных рэактараў, што дзейнічаюць цяпер у сьвеце, то Амана прапанаваў праверыць на працягу трох гадоў кожны дзясяты рэактар.