Лінкі ўнівэрсальнага доступу

Забастоўка “сарвала” чэскаму прэзыдэнту юбілей


Вацлаў Клаўс.

Вацлаў Клаўс.

Абвешчаная на заўтра забастоўка прафсаюзаў стала прычынай адмены юбілейнага прыёму чэскага прэзыдэнта Вацлава Клаўса. На заўтра на Праскім Градзе быў заплянаваны ўрачысты прыём з нагоды 70-годзьдзя чэскага кіраўніка. На яго былі запрошаныя вядомыя асобы грамадзкага жыцьця, дыпляматы. Некаторыя з запрошаных сёньня паведамілі, што прыём адменены.

Заўтра чэскія прафсаюзы плянуюць спыніць рух транспарту ў асноўных гарадах краіны на пратэст супраць плянаваных урадавых рэформаў – павышэньня пэнсыйнага ўзросту, падатку на даданую вартасьць, зьменаў у мэдыцынскім страхаваньні. Прэзыдэнт Клаўс, якога лічаць бацькам эканамічных рэформаў Чэхіі, намер забастоўкі рэзка скрытыкаваў. Ён прапанаваў забясьпечыць транспартаваньне людзей прыватнымі фірмамі, а забастоўшчыкаў звольніць.
XS
SM
MD
LG