Лінкі ўнівэрсальнага доступу

Макей супраць «трызьненьня» Крамля


Уладзімер Макей

Уладзімер Макей

Кіраўнік адміністрацыі прэзыдэнта Беларусі Уладзімір Макей назваў абсалютным трызьненьнем паведамленьні расейскіх СМІ пра нібыта уведзеных у дачыненьні да іх абмежаваньнях з боку беларускіх уладаў.

Такім чынам у інтэрвію БелТА ён пракамэнтаваў паведамленьне Інтэрфакса, якому ананімная крыніца з Крамля заявіла, што "на тэрыторыі Беларусі распачатыя чарговыя абмежавальныя захады ў дачыненьні да расейскіх сродкаў масавай інфармацыі… Такое рашэньне беларускіх уладаў, безумоўна, як раней і папярэджвалі, ўскладніць крэдытаваньне Беларусі з боку Расеі".

Варта адзначыць, што 27 траўня Аляксандр Лукашэнка заявіў пра магчымасьці спыненьня працы ў Беларусі шэрагу замежных СМІ, найперш расейскіх.

Камэнтуючы паведамленьне Інтэрфакса, Ўладзімер Макей заявіў, што
Робяцца заявы ў духу адкрытага шантажу.

"гэта ўжо стала дрэннай традыцыяй з боку нашых сяброў. У чарговы раз неназваная" крыніца ў Крамлі "інфармуе, дакладней - дэзінфармуе, грамадзкасьць аб тым, што нехта ў Беларусі робіць нешта дрэннае супраць Расеі. А пасьля гэтага робяцца заявы ў духу адкрытага шантажу ".

"Заўважце, і крыніца хаваецца за маскай, і канкрэтныя абмежавальныя меры не называюцца. Таму што іх няма. Гэта - абсалютны трызьненьне", - падкрэсьліў Уладзімір Макей.

Паводле яго слоў, сёньня ў Беларусі бесьперашкодна распаўсюджваюцца і працуюць усе расейскія СМІ. Адзінае патрабаваньне - гэта выкананьне беларускага заканадаўства. "Наадварот, з улікам нашых блізкіх адносінаў мы закрываем вочы на адкрытыя парушэньні шэрагам расейскіх СМІ беларускіх законаў, ды і проста чалавечай маралі і журналісцкай этыкі. Калі спатрэбіцца, мы можам апублікаваць канкрэтныя факты падрыхтоўкі некаторымі акрэдытаванымі ў Беларусі расейскімі СМІ нэгатыўных матэрыялаў аб нашай краіне па ўказцы зьверху. Прычым з канкрэтнымі імёнамі ", - адзначыў кіраўнік адміністрацыі прэзыдэнта Беларусі.
XS
SM
MD
LG