Лінкі ўнівэрсальнага доступу

logo-print
Беларусь знайшла яшчэ 1 мільярд даляраў зь іншай крыніцы й атрымае гэтыя грошы цягам месяца, заявіў кіраўнік Адміністрацыі прэзыдэнта Ўладзімер Макей.

Ён адцеміў, што ўжо практычна завершана падпісаньне пагадненьня пра вылучэньне Беларусі крэдыту з Антыкрызіснага фонду ЭўрАзЭС. Зь ягоных слоў, неўзабаве грошы паступяць у Беларусь.

«Апроч гэтага, знойдзены яшчэ адзін мільярд даляраў зь іншай крыніцы. Грошы таксама паступяць найбліжэйшым часам у Беларусь», — сказаў Уладзімер Макей.

Ён падкрэсьліў, што ў дзяржавы ёсьць дастаткова часу і рэзэрваў для таго, каб спакойна счакаць, назіраць за сытуацыяй і па выніках прымаць адпаведныя захады, перадае БЕЛТА.

Паказаць камэнтары

XS
SM
MD
LG