Больш як 200 чалавек прыйшлі ўвечары на Кастрычніцкую плошчу Менску на заклік арганізатараў акцыі «Рэвалюцыя праз сацыяльную сетку». Моладзь слухала сьпевы пад гітару і сама спрабавала сьпяваць. Супрацоўнікі спэцслужбаў пры ўдзеле начальніка менскай міліцыі Ігара Яўсеева пільна сачылі за хадою падзеі. Акцыя абышлася без затрыманьняў.
Паводле сайту vk.com, у Салігорску падчас аналягічнай акцыі затрымалі чатыры чалавекі «для высьвятленьня асобы».
Гэта ўжо другая акцыя «Рэвалюцыі праз сацыяльную сетку». Яе ідэя палягае ў тым, каб прыхільнікі дэмакратычных перамен штотыдзень у вызначаны час зьбіраліся на галоўнай плошчы свайго гораду. «Проста шпацыруйце, стойце — проста знаходзьцеся там. Ня трэба ніякіх сьцягоў і транспарантаў, ня трэба ніякай сымболікі, — пішуць арганізатары. — Першыя сустрэчы — можа быць мала людзей, але з кожным днём нас будзе рабіцца ўсё болей!»
Нядаўна мадэратарамі гэтай суполкі цікавілася КДБ.
Паводле сайту vk.com, у Салігорску падчас аналягічнай акцыі затрымалі чатыры чалавекі «для высьвятленьня асобы».
Гэта ўжо другая акцыя «Рэвалюцыі праз сацыяльную сетку». Яе ідэя палягае ў тым, каб прыхільнікі дэмакратычных перамен штотыдзень у вызначаны час зьбіраліся на галоўнай плошчы свайго гораду. «Проста шпацыруйце, стойце — проста знаходзьцеся там. Ня трэба ніякіх сьцягоў і транспарантаў, ня трэба ніякай сымболікі, — пішуць арганізатары. — Першыя сустрэчы — можа быць мала людзей, але з кожным днём нас будзе рабіцца ўсё болей!»
Нядаўна мадэратарамі гэтай суполкі цікавілася КДБ.
