ПЕРАМЕННАЯ...
...воблачнасьць, зрэдку дождж. Тэмпэратура: 12-22.
НЕ ПРАХОДЗЬЦЕ МІМА:
Адвакаты Ўладзімера Някляева абскардзяць прысуд 2 гадоў турмы з адтэрміноўкай на 2 гады, вынесены Ўладзімеру Някляеву судом Фрунзэнскага раёну Менску.
Вышэйшы гаспадарчы суд разглядае скаргу «Нашай Нівы» на папярэджаньне, вынесенае Міністэрствам інфармацыі.
ТАМ, ДЗЕ НАС НЯМА:
У Жэнэве пачынаецца пасяджэньне Рады па правах чалавека ААН.
Прэзыдэнт Швайцарыі Мішлін Кальмі-Рэ наведвае Грузію.
ТАКСАМА Ў ГЭТЫ ДЗЕНЬ
У 1431 у Руане была спаленая як ерэтычка Жана д’Арк (нар. 1412), адзін з камандзіраў францускіх войскаў у Стогадовай вайне з Англіяй, якая потым стала нацыянальнай гераіняй Францыі.
У 1927 нарадзіўся Вітаўт Кіпель, дзеяч беларускай дыяспары ў ЗША, навуковец і выдавец, дырэктар Беларускага інстытуту навукі і мастацтва ў Нью-Ёрку.
У 1999 адбылася трагічная цісканіна ў пераходзе станцыі мэтро “Няміга” у Менску, загінулі 53 чалавекі.
ЁСЬЦЬ НАГОДА:
Дзень Вясны ў Вялікабрытаніі.
Дзень памінаньня (Memorial Day) у ЗША.
МІНУС 365:
Дзе тая паўнагрудая мадам, што ўсіх нас павядзе на барыкады?
ЦЫТАТА НА ПАМЯЦЬ:
«Каб Бог даў перамогу, жаўнеры павінны змагацца».
Жанна д’Арк