Лінкі ўнівэрсальнага доступу

Прэзыдэнты ЗША і Польшчы абмеркавалі стан дэмакратыі ў Беларусі


Барак Абама ў Польшчы.

Барак Абама ў Польшчы.

У Варшаве адбыліся перамовы прэзыдэнта Польшчы Браніслава Камароўскага і прэзыдэнта ЗША Барака Абамы. Абмяркоўваліся пытаньні дэмакратыі і бясьпекі. На сумеснай прэсавай канфэрэнцыі пасьля перамоваў прэзыдэнт Польшчы заявіў, што бакі маюць агульны погляд на будаўніцтва дэмакратыі, у тым ліку і ў Беларусі.

Камароўскі паведаміў, што гаворка ішла і пра Анджэя Пачобута, зьняволенага ў Беларусі карэспандэнта «Газэты Выборчай». Прэзыдэнт ЗША падкрэсьліў, што «такія дзеяньні рэжыму, якія мы назіраем у Беларусі, могуць мець уплыў на ўвесь рэгіён, што ставіць нас у большую небясьпеку». (Цытуем паводле сайту gazeta.pl).

Барак Абама назваў Польшчу лідэрам у прасоўваньні дэмакратыі ня толькі ў рэгіёне, але і ў сьвеце.
XS
SM
MD
LG