Лінкі ўнівэрсальнага доступу

Пуцін: пакупка “Белтрансгазу” “Газпромам” амаль узгоднена


Перамовы "Газпрому" аб павелічэньні долі ў "Белтрансгазе " з 50% да 100% знаходзяцца на завяршальнай стадыі. Аб гэтым паведаміў журналістам прэм'ер-міністар Расеі Ўладзімір Пуцін.

"На завяршальнай стадыі", – сказаў ён, адказваючы на пытаньне аб тым, у якім стане знаходзяцца цяпер перамовы аб павелічэньні долі. Пра гэта інфармуе "Интерфакс-Запад".

Пры гэтым Пуцін адзначыў, што яны могуць быць завершаны ў бліжэйшы час. Аднак, па словах У. Пуціна, "гэта залежыць і ад пазыцыі беларускіх калегаў".

У. Пуцін нагадаў, што ў цяперашні час "Газпром" валодае 50% "Белтрансгазу" і купля яшчэ 50% – гэта "ў цэлым нядрэннае для нас набыцьцё, але не абавязковае". Пры гэтым прэм'ер адзначыў, што беларускі бок таксама зацікаўлена ў гэтай дамове. "Я маю на ўвазе, што калі" Газпром "будзе валодаць 100% у" Белтрансгазе ", то тады ён упэўнена будзе інвэставаць у разьвіцьцё гэтай газатранспартнай сыстэм", – сказаў ён

Прыватызацыя буйных беларускіх актываў — умова выдачы крэдыту ЭўрАзЭС Менску, зазначыў у пятніцу міністар фінансаў Расеі Аляксей Кудрын. Ягоная заява прагучала пасьля выказваньняў Лукашэнкі, што той не дапусьціць "бандыцкай прыватызацыі".
XS
SM
MD
LG