Лінкі ўнівэрсальнага доступу

Сэрбcкія ўлады сёньня арыштавалі генэрала Ратку Младзіча, былога камандзіра арміі басьнійскіх сэрбаў. Прэзыдэнт Сэрбіі Борыс Тадзіч заявіў, што Младзіч будзе перададзены ў рукі Міжнароднага трыбуналу па былой Югаславіі ў Гаазе.

Младзіч – апошні з буйных ваенных злачынцаў, якія хаваліся ад Міжнароднага трыбуналу. Ён абвінавачваецца ў масавых забойствах мусульманаў у Срэбраніцы ў 1995 годзе – самым цяжкім ваенным злачынстве ад часоў Другой сусьветнай вайны.

У ліпені 1995 году, калі сэрбскія сілы ўзялі Срэбраніцу, Младзіч запэўніў тысячы басьнійскіх мусульманаў, што яны будуць у бясьпецы. Захаваўся архіўны запіс голасу Младзіча, які сказаў тады мусульманам у Срэбраніцы, што ніхто іх ня будзе чапаць:

“Нічога ня бойцеся. Спакойна. Няхай жанчыны і дзеці едуць першыя. Тут
Пасьля гэтага запэўніваньня ў Срэбраніцы было забіта 7 тысяч чалавек.

будзе трыццаць аўтобусаў. Мы завязем вас у Кладань. Ня бойцеся. Ніхто нічога вам ня зробіць”.

Тыдзень пасьля гэтага запэўніваньня ў Срэбраніцы было забіта 7 тысяч чалавек.

Паводле Гааскага трыбуналу, калі аўтобусы забралі срэбраніцкіх жанчынаў, мужчыны і падлеткі былі сагнаныя ў адно месца, і сэрбы пачалі іх расстрэльваць. Расстрэламі кіраваў Ратка Младзіч.

Младзіч таксама кіраваў чатырохгадовай блякадай Сараева (1992-1996), у якой загінула каля 12 тысяч цывільных жыхароў, а 50 тысяч было паранена.

Пасьля заканчэньня вайны ў Босьніі Младзіч зьбег у Бялград, пад ахову прэзыдэнта Слабадана Мілошавіча. Час ад часу яго бачылі ў дарагіх рэстаранах і на футбольных матчах.

Пасьля арышту Мілошавіча ў 2001 годзе, Младзіч зьнік з публічнага жыцьця.

У 2006 годзе Эўрапейская камісія патрабавала арыштаваць і перадаць Младзіча Гааскаму трыбуналу, паставіўшы гэтае патрабаваньне як галоўную ўмову пачатку перамоваў аб далучэньні Сэрбіі да Эўрапейскага Зьвязу.

Ваша меркаваньне

Паказаць камэнтары

XS
SM
MD
LG