Лінкі ўнівэрсальнага доступу

Камэрцыйны дырэктар "Беларускага оптыка-мэханічнага аб'яднаньня" (БелОМА) Уладзімер Кіскін заявіў "Свабодзе", што ніякіх паставак у Іран, Паўночную Карэю і Сырыю ягоная кампанія не ажыцьцяўляла і не ажыцьцяўляе.

Гэтак ён пракамэнтаваў санкцыі ЗША супраць кампаніі. "БелОМА" трапіла ў лік 16 асобаў і кампаній зь Беларусі, Кітаю, Паўночнай Карэі, Вэнэсуэлы за продаж Ірану, Паўночнай Карэі і Сырыі тэхналёгіяў, зьвязаных з вытворчасьцю ядзернай, хімічнай і біялягічнай зброі і балістычных ракетных сыстэм.

Спадар Кіскін кажа, што "БелОМА" пастаўляе на рынак ЗША аб'ектывы да фотаапаратаў, але ў выпадку, калі з-за санкцыяў гэта стане немагчымым, кампанія лёгка пераарыентуецца і такім чынам ніяк не пацярпіць ад санкцыяў Злучаных Штатаў.

Цалкам інтэрвію з камэрцыйным дырэктарам "БелОМА" чытайце пазьней на нашым сайце.

Тым часам у іншай беларускай кампаніі, якая трапіла пад санкцыі ЗША — "Белтэхэкспарт" — ніяк не камэнтуюць рашэньне Вашынгтону.

"Ніякіх камэнтароў", — заявіў журналістам генэральны дырэктар "Белтэхэкспарту", старшыня Савету дырэктараў "Белтэх Холдынг" Ігар Семерыкоў на выставе ваеннай тэхнікі і ўзбраеньняў "Milex-2011", паведамляе Інтэрфакс.

Паказаць камэнтары

XS
SM
MD
LG