Ужо сёньня, 24 траўня

Бліц-агляд падзеяў і тэмаў у Беларусі, сьвеце, гісторыі.

І СОНЕЧНА...

...і воблачна. Тэмпэратура плюс 14-24.

НЕ ПРАХОДЗЬЦЕ МІМА:

На ганку кнігарні "логвінаЎ" а 16.00 будзе ўрачыста адчынены "Пачатак кніжных дарог Беларусі". "Нулявы кілямэтар" уяўляе сабой намаляванае кола. У кола ўпісаныя сьляды, на якія – каб адчуць свой саўдзел у кнігаробстве і кнігалюбстве, – можа стаць кожны ахвочы. "Пачатак кніжных дарог Беларусі" адкрые пісьменьнік Уладзімер Арлоў.

ТАМ, ДЗЕ НАС НЯМА:

Прэзыдэнт ЗША Барак Абама пачынае трохдзённы візыт у Вялікабрытаніі.

Арганізацыя эканамічнага супрацоўніцтва і разьвіцьця адзначае 50-я ўгодкі ў Парыжы.

ТАКСАМА Ў ГЭТЫ ДЗЕНЬ:

У 1940 нарадзіўся Іосіф Бродзкі (пам. 1996), расейскі паэт, эсэіст, драматург, перакладчык, ляўрэат Нобэлеўскай прэміі 1987.

У 1941 нарадзіўся Боб Дылан, амэрыканскі музыка і паэт.

У 1991 Эрытрэя атрымала незалежнасьць ад Этыёпіі.

ЁСЬЦЬ НАГОДА:

Дзень славянскага пісьменства і культуры.

МІНУС 365:

Дыпляматы напісалі беларускую дыктоўку

ЦЫТАТА НА ПАМЯЦЬ:

Людзі рэдка робяць тое, у што вераць. Яны робяць тое, што ім выгадна, потым каюцца.

Боб Дылан