Бліц-агляд падзеяў і тэмаў у Беларусі, сьвеце, гісторыі.
ВОБЛАЧНА...
...з праясьненьнямі. Тэмпэратура: 20 — 25 С.
НЕ ПРАХОДЗЬЦЕ МІМА:
У Менску зьбіраюцца кіраўнікі ўрадаў краін СНД – прэм'ер Расеі Пуцін, прэм'ер Украіны Азараў, віцэ-прэм'ер Азэрбайджану Эюбаў, віцэ-прэм'ер Туркмэністану Шагулыеў. Адбудуцца сустрэчы прэм'ераў у рамках міждзяржаўнай Рады ЭўрАзЭС і Вышэйшага органа Мытнага Зьвязу "тройкі".
Заплянаваная сустрэча А.Лукашэнкі і Ў.Пуціна
У Заводзкім судзе Менску працягнецца судовы працэс над 5 ўдзельнікамі анархісцкага руху.
ТАМ ДЗЕ НАС НЯМА:
Вашынгтон. Прамова Барака Абамы наконт палітыкі ЗША на Блізкім Усходзе
Масква. Сустрэча прэзыдэнта Расеі Дзьмітрыя Мядзьведзева з прэзыдэнтам Аўстрыі Хайнцам Фішэрам
Бэрлін. Сустрэча канцлера Нямеччыны Ангелы Мэркель з кіраўніком ураду Малдовы Уладам Філатам.
ТАКСАМА Ў ГЭТЫ ДЗЕНЬ:
У 1881 годзе нарадзіўся Мустафа Кемаль Атацюрк, турэцкі палітык, заснавальнік і першы прэзыдэнт Турэцкай Рэспублікі (пам. 10.11.1938)
У 1925 нарадзіўся кіраўнік Віетнаму Хо Шы Мін (пам. 1969).
У 1928 нарадзіліся камбаджыйскі дыктатар Пол Пот (пам. 1998). Ацэньваецца, што ад 1976 да 1979, калі Пол Пот кіраваў Камбоджай, у краіне было забіта ад 1,7 да 2,5 мільёна людзей. Пол Пот, побач з Адольфам Гітлерам і Іосіфам Сталінам, залічваецца да найболей жорсткіх дыктатараў у гісторыі.
ЁСЬЦЬ НАГОДА:
Ва Ўкраіне сьвяткуюць Дзень навукі
У Фінляндыі – Дзень вайсковага сьцягу
У савецкія часы адзначалася заснаваньне ў 1922 годзе Ўсесаюзнай піянэрскай арганізацыі.
МІНУС 365:
Год таму на сайце Свабоды: Лідэры "Гавары праўду" адступаць не зьбіраюцца
ЦЫТАТА НА ПАМЯЦЬ:
“Вайна павінна быць непазьбежнай і жыцьцёва важнай. Да таго часу, пакуль жыцьцё нацыі ў бясьпецы, вайна гэта забойства".
Мустафа Кемаль Атацюрк