Лінкі ўнівэрсальнага доступу

Гомельскага актывіста чарговы раз затрымалі з-за майкі


Уладзімер Няпомняшчых

Уладзімер Няпомняшчых

У Гомелі блізу 18 гадзінаў транспартная міліцыя затрымала ля чыгуначнага вакзалу прадпрымальніка, сябра АГП Уладзімера Няпомняшчага.

«Прапаршчыку Юзэпенку, так ён назваўся, не спадабаліся надпісы на маёй футболцы. Наперадзе: „За Беларусь без Лукашэнкі“, ззаду: „Хопіць, дастаў!“ Прапаршчык завёў мяне ў дзяжурку, якая месьціцца на вакзале, да дзяжурнага — падпалкоўніка Атаманчука», — паведаміў спадар Няпомняшчых, які, дарэчы, сам колісь служыў у транспартнай міліцыі ў аддзеле барацьбы з эканамічнымі злачынствамі.

Паводле прадпрымальніка, падпалкоўнік Атаманчук патрабаваў спачатку зьняць футболку, а калі Няпомняшчых стаў тэлефанаваць журналістам, заявіў, што ў дзяжурку ён дастаўлены для праверкі. Маўляў, каб праверыць, знаходзіцца ён у вышуку ці не.

Затрыманьне Ўладзімера цягнулася нядоўга — яго адпусьцілі без складаньня пратаколу. Футболку ён ня зьняў, заявіўшы, што зробіць гэта пасьля таго, як напісанае на ёй збудзецца.
XS
SM
MD
LG