Лінкі ўнівэрсальнага доступу

logo-print

Сэрбія заклікае ААН расьсьледаваць факты гандлю чалавечымі органамі


Міністар замежных справаў Сэрбіі Вук Ярэміч заклікаў ААН правесьці расьследаваньне абвінавачваньняў у датычнасьці косаўскіх паўстанцаў да гандлю чалавечымі органамі ў часе вайны за незалежнасьць Косава пры канцы 1990-х гадоў.

Праваахоўная місія Эўразьвязу EULEX пры канцы студзеня пачала расьсьледаваньне фактаў, выкладзеных у справаздачы адмысловага прадстаўніка Рады Эўропы Дыка Марці аб датычнасьці косаўскіх кіраўнікоў, улучна з прэм'ер-міністрам Хашымам Тачы, да злачыннай дзейнасьці.

Міністар замежных справаў Косава Энвер Хаджай заявіў у гэтым зьвязку, што ўрад Косава прызнае EULEX у якасьці прававога арбітра і прапануе ўсім бакам перадаваць любую інфармацыю ў гэтай справе пракурорам EULEX.
XS
SM
MD
LG