Лінкі ўнівэрсальнага доступу

НАТО ня мелася забіваць Кадафі


Улады Лібіі паказваюць гэтыя руіны як вынік апошняга налёту авіяцыі НАТО

Улады Лібіі паказваюць гэтыя руіны як вынік апошняга налёту авіяцыі НАТО

Паўночнаатлянтычны зьвяз абверг інфармацыю, што авіяцыя НАТО, калі мінулай начы бамбавала шэраг аб'ектаў у Трыпалі, мелася забіць Муамара Кадафі. Прадстаўнік камандаваньня НАТО, італьянскі генэрал Кляўдыё Габэліні паведаміў, што апошнія рэйды былі скіраваныя супраць камандных і кантрольных цэнтраў, якія ўлады Лібіі выкарыстоўвалі для абстрэлаў цывільных жыхароў. Габэліні адзначыў, што НАТО ня ведае, ці жывы Кадафі.

Сёньня ж лібійскія паўстанцы заявілі, што змаглі выціснуць войскі Кадафі з гораду Місурата і, нягледзячы на тое, што горад застаеццам ў аблозе ўрадавых сілаў, падразьдзяленьні прыхільнікаў апазыцыі прасунуліся на 30 кілямэтраў на захад.
XS
SM
MD
LG