Лінкі ўнівэрсальнага доступу

logo-print
Нацыянальны банк Беларусі не камэнтуе інфармацыю аб прыпыненьні продажу валюты на біржы па афіцыйным курсе для куплі мэдыкамэнтаў. Раней такую інфармацыю распаўсюдзіла агенцтва «Рэйтар».

«Рэйтар» спаслаўся на крыніцу, блізкую да Нацбанку. Урад нібыта занепакоены рэзкім ростам куплі валюты на біржы для аплаты мэдыкамэнтаў.

"Нацыянальны банк не пацьвярджае і не абвяргае гэтую інфармацыю", — заявіў БелаПАН прэс-сакратар — начальнік упраўленьня інфармацыі галоўнага банку краіны Анатоль Драздоў. Пры гэтым ён падкрэсьліў, што заяўкі на продаж валюты для куплі мэдыкамэнтаў і аплаты іншага крытычнага імпарту задавальняюцца на біржы ў поўным аб'ёме.

Тым часам афіцыйны курс даляра ЗША па выніках біржавых таргоў 5 траўня зьнізіўся на 6 рублёў і склаў 3.001 рубель.
XS
SM
MD
LG