Палітычны канфлікт вакол пабудовы АЭС у Калінінградзкай вобласьці і ў Беларусі аналізуе амэрыканскі дасьледчы цэнтар "Stratfor", супрацоўнікі якога – былыя дыпляматы і афіцэры спэцслужбаў.
У апошні час Літва стала ўсё больш актыўна выказвацца з нагоды плянаў Расеі пабудаваць у Балтыйскім рэгіёне дзьве АЭС, адну – у расейскім Калінінградзкім анкляве, а іншую, якая ўяўляе сабой сумесны расейска-беларускі праект, у Беларусі блізу літоўскай мяжы.
Літва выказала занепакоенасьць бясьпекай абодвух праектаў, заявіўшы, што Расея і Беларусь не далі дастаткова інфармацыі наконт ўзьдзеяньня гэтых праектаў на навакольнае асяродзьдзе. І хоць занепакоенасьць Літвы наконт бясьпекі АЭС можа быць шчырай, у яе ёсьць таксама і палітычны аспэкт. Зараз Літва прасоўвае свае ўласныя пляны будаўніцтва атамнай электрастанцыі. Мэтай стварэньня такога аб'екта зьяўляецца памяншэньне залежнасьці ад расейскай энэргіі. Не выпадкова, што зараз Расея будуе АЭС побач з гэтым рэгіёнам. З пункту гледжаньня Расеі, будаўніцтва гэтых АЭС сарве літоўскія пляны па дывэрсыфікацыі энэргіі і дасьць Расеі яшчэ адзін рычаг ўплыву ў энэргетычным сэктары Літвы і Балтыі ў цэлым.
Балтыя – важны рэгіён для Расеі ў сэнсе ўплыву, таму што разьмяшчаецца ў стратэгічным месцы на Сярэднеэўрапейскай раўніне – краіны Балтыі заціснутыя паміж Расеяй і эўрапейскімі дзяржавамі кшталту Нямеччыны, а таксама важным эўрапейскім гульцом Польшчай. Акрамя суперніцтва Літвы і Расеі ў пытаньні вытворчасьці энэргіі, сытуацыя таксама сьведчыць аб палітычнай атмасфэры, якая сфармавалася паміж Літвой з аднаго боку і Беларусьсю і Расеяй з другога.
Нядаўна ў Літвы былі праблемы як з Беларусьсю, так і з Расеяй. У выпадку Беларусі яна першая выступала за прыняцьце рэжыму санкцыяў супраць беларускага прэзыдэнта Аляксандра Лукашэнкі – у сувязі са спрэчнымі выбарамі і рэпрэсіўнымі мерамі ў дачыненьні да апазыцыйных лідэраў і дэманстрантаў.
Акрамя таго, у Літвы напружаныя адносіны з Расеяй, і яна больш за ўсіх супрацьдзейнічае расейскім намерам ў Балтыі. Літва не падпісвала з Расеяй эканамічных пагадненьняў, як гэта рабілі іншыя балтыйскія краіны, напрыклад Латвія, а таксама шмат разоў выступала з крытыкай расейскага энэргетычнага гіганта “Газпром”, абвінавачваючы яго ў манаполіі і кантролі над коштамі.
Паколькі напружанасьць паміж Літвой, Беларусьсю і Расеяй ўзрастае, Літва сярод іншага вельмі баіцца, што Беларусь і Расея ўмацуюць свае сувязі, а пляны па сумесным будаўніцтве АЭС як раз аб гэтым і сьведчаць.
Хоць занепакоенасьць Літвы наконт расейскіх ядзерных праектаў у Калінінградзкай вобласьці і ў Беларусі на самой справе нешта большае, чым клопат аб навакольным асяродзьдзі і бясьпецы, і зараз Літва мае магчымасьць агучыць сваю занепакоенасьць перад эўрапейскімі дзяржавамі, такімі як Нямеччына, у момант, калі яны, верагодна , настроены слухаць. Аднак гэта наўрад ці спыніць Расею, якая з дапамогай гэтых ядзерных праектаў спрабуе прасоўваць свае стратэгічныя інтарэсы.
У апошні час Літва стала ўсё больш актыўна выказвацца з нагоды плянаў Расеі пабудаваць у Балтыйскім рэгіёне дзьве АЭС, адну – у расейскім Калінінградзкім анкляве, а іншую, якая ўяўляе сабой сумесны расейска-беларускі праект, у Беларусі блізу літоўскай мяжы.
Зараз Літва прасоўвае свае ўласныя пляны будаўніцтва атамнай электрастанцыі. Мэтай стварэньня такога аб'екта зьяўляецца памяншэньне залежнасьці ад расейскай энэргіі
Балтыя – важны рэгіён для Расеі ў сэнсе ўплыву, таму што разьмяшчаецца ў стратэгічным месцы на Сярэднеэўрапейскай раўніне – краіны Балтыі заціснутыя паміж Расеяй і эўрапейскімі дзяржавамі кшталту Нямеччыны, а таксама важным эўрапейскім гульцом Польшчай. Акрамя суперніцтва Літвы і Расеі ў пытаньні вытворчасьці энэргіі, сытуацыя таксама сьведчыць аб палітычнай атмасфэры, якая сфармавалася паміж Літвой з аднаго боку і Беларусьсю і Расеяй з другога.
Нядаўна ў Літвы былі праблемы як з Беларусьсю, так і з Расеяй. У выпадку Беларусі яна першая выступала за прыняцьце рэжыму санкцыяў супраць беларускага прэзыдэнта Аляксандра Лукашэнкі – у сувязі са спрэчнымі выбарамі і рэпрэсіўнымі мерамі ў дачыненьні да апазыцыйных лідэраў і дэманстрантаў.
Паколькі напружанасьць паміж Літвой, Беларусьсю і Расеяй ўзрастае, Літва сярод іншага вельмі баіцца, што Беларусь і Расея ўмацуюць свае сувязі, а пляны па сумесным будаўніцтве АЭС як раз аб гэтым і сьведчаць.
Хоць занепакоенасьць Літвы наконт расейскіх ядзерных праектаў у Калінінградзкай вобласьці і ў Беларусі на самой справе нешта большае, чым клопат аб навакольным асяродзьдзі і бясьпецы, і зараз Літва мае магчымасьць агучыць сваю занепакоенасьць перад эўрапейскімі дзяржавамі, такімі як Нямеччына, у момант, калі яны, верагодна , настроены слухаць. Аднак гэта наўрад ці спыніць Расею, якая з дапамогай гэтых ядзерных праектаў спрабуе прасоўваць свае стратэгічныя інтарэсы.
