Лінкі ўнівэрсальнага доступу

Кадафі заклікаў ісьці да Бенгазі


У выніку атакі гарыць аўтакалёна верных Кадафі войскаў

У выніку атакі гарыць аўтакалёна верных Кадафі войскаў

Сілы міжнароднай кааліцыі ўначы працягвалі нанясеньне авіяцыйных удараў па аб’ектах лібійскага лідэра Муамара Кадафі.

ЗША заявілі, што над Лібіяй усталяваны і дзейнічае рэжым “беспалётнай зоны”. Злучаныя Штаты адрынулі абвешчаны Кадафі ў пятніцу рэжым спыненьня агню, заявіўшы, што лібійскія ўлады парушылі яго адразу пасьля абвяшчэньня.

Учора ў Трыпалі былі чутныя выбухі, паступіла інфармацыя пра разбурэньні ў рэзыдэнцыі Кадафі. Месцазнаходжаньне Кадафі ў момант атакі на рэзыдэнцыю невядомае.

Амэрыканскі віцэ-адмірал Уільям Гортні заявіў, што мэтай авіяўдараў сам Кадафі ня быў.Адмірал заявіў, што мэта апэрацыі – увядзеньне над Лібіяй “беспалётнай зоны” ў адпаведнасьці з рэзалюцыяй Рабы Бясьпекі ААН дзеля таго, каб абараніць грамадзянскае насельніцтва.

Нямецкае агенцтва ДПА са спасылкай на СМІ Лібіі паведаміла, што Кадафі заклікаў сваіх прыхільнікаў да мірнага маршу да гораду Бенгазі, які застаецца галоўным апірышчам апазыцыі.
XS
SM
MD
LG