Як стала вядома карэспандэнту Радыё Свабода ў Брусэлі, да сьпісу неўязных беларускіх афіцыйных асобаў Эўразьвяз дадасьць 19 прозьвішчаў.
Рашэньне пашырыць сьпіс можа быць прынятае ўжо 21 сакавіка, падчас сустрэчы міністраў замежных справаў Эўразьвязу.
Мая Кацыянчыч, прэс-сакратар Кэтрын Эштан, вярхоўнага прадстаўніка Эўразьвязу па замежных справах і палітыцы бясьпекі, сказала нашаму карэспандэнту, што сьпіс будзе абнаўляцца ў залежнасьці ад сытуацыі ў Беларусі:
"Я думаю, мы сказалі выразна, што мы хочам бачыць, а менавіта – вызваленьне ўсіх затрыманых па палітычных прычынах. Але гэтага не адбылося. Насамрэч цяпер існуе супрацьлеглая тэндэнцыя – судзіць і засуджваць гэтых людзей".
Міністар замежных справаў Швэцыі Карл Більт сказаў нашаму радыё, што сярод новых людзей, дададзеных у сьпіс неўязных, будуць судзьдзі і пракуроры, датычныя да справаў супраць прадстаўнікоў апазыцыі, ды кіраўнікі ВНУ, якія адлічваюць студэнтаў за палітычную актыўнасьць:
"Гэта людзі, якія займаюцца судовымі справамі, што цяпер адбываюцца. І людзі, якія адлічаюць студэнтаў з унівэрсытэтаў. Наша ўвага засяроджаная цяпер на гэтых двух сэктарах".
Да сьпісу будзе дададзена прозьвішча былога міністра ўнутраных справаў Юрыя Сівакова, якое памылкова не знайшлося ў сьпісе, адноўленым Эўразьвязам 31 студзеня 2011. Са сьпісу будзе таксама выкрасьлена прозьвішча памерлай асобы, якое знайшлося там з-за недагляду.
Паводле ананімнай крыніцы ў Радзе Эўразьвязу, магчымасьць прыняцьця Брусэлем эканамічных санкцый супраць Менску – малаверагодная. Але Брусэль разглядае магчымасьць увядзеньня "квазіэканамічных" санкцый супраць кампаній, якія прадукуюць сьлезацечны газ або абсталяваньне, якое беларускія ўлады выкарыстоўваюць супраць дэманстрантаў.
Рашэньне пашырыць сьпіс можа быць прынятае ўжо 21 сакавіка, падчас сустрэчы міністраў замежных справаў Эўразьвязу.
Мая Кацыянчыч, прэс-сакратар Кэтрын Эштан, вярхоўнага прадстаўніка Эўразьвязу па замежных справах і палітыцы бясьпекі, сказала нашаму карэспандэнту, што сьпіс будзе абнаўляцца ў залежнасьці ад сытуацыі ў Беларусі:
"Я думаю, мы сказалі выразна, што мы хочам бачыць, а менавіта – вызваленьне ўсіх затрыманых па палітычных прычынах. Але гэтага не адбылося. Насамрэч цяпер існуе супрацьлеглая тэндэнцыя – судзіць і засуджваць гэтых людзей".
Міністар замежных справаў Швэцыі Карл Більт сказаў нашаму радыё, што сярод новых людзей, дададзеных у сьпіс неўязных, будуць судзьдзі і пракуроры, датычныя да справаў супраць прадстаўнікоў апазыцыі, ды кіраўнікі ВНУ, якія адлічваюць студэнтаў за палітычную актыўнасьць:
"Гэта людзі, якія займаюцца судовымі справамі, што цяпер адбываюцца. І людзі, якія адлічаюць студэнтаў з унівэрсытэтаў. Наша ўвага засяроджаная цяпер на гэтых двух сэктарах".
Да сьпісу будзе дададзена прозьвішча былога міністра ўнутраных справаў Юрыя Сівакова, якое памылкова не знайшлося ў сьпісе, адноўленым Эўразьвязам 31 студзеня 2011. Са сьпісу будзе таксама выкрасьлена прозьвішча памерлай асобы, якое знайшлося там з-за недагляду.
Паводле ананімнай крыніцы ў Радзе Эўразьвязу, магчымасьць прыняцьця Брусэлем эканамічных санкцый супраць Менску – малаверагодная. Але Брусэль разглядае магчымасьць увядзеньня "квазіэканамічных" санкцый супраць кампаній, якія прадукуюць сьлезацечны газ або абсталяваньне, якое беларускія ўлады выкарыстоўваюць супраць дэманстрантаў.
