Польшча падтрымае Беларусь, калі Менск возьме курс на дэмакратызацыю. З такой заявай выступіў сёньня міністар замежных спраў Польшчы Радаслаў Сікорскі падчас прамовы ў Сойме, прысьвечанай накірункам замежнай палітыкі краіны ў 2011 годзе.
Пры гэтым міністар падкрэсьліў, што палітыка Варшавы ў дачыненьні да Беларусі павінна залежаць ад датрыманьня правоў чалавека ў краіне.
"Лёс братэрскага народу асабліва блізкі нам. Я неаднаразова настойваў, каб Польшча дапамагла Беларусі, калі тая выбярэ шлях пераменаў. Але мы павінны моцна рэагаваць, калі Беларусь сыходзіць з гэтага шляху і адмаўляецца паважаць асноўныя правы чалавека і грамадзяніна. Я мяркую, што настаў час падтрымаць тую Беларусь, якая правядзе рэформы і будзе супрацоўнічаць з Эўропай", – сказаў Сікорскі.
Кіраўнік польскага МЗС канстатаваў, што на сёньняшні дзень гэтая падтрымка тычыцца беларускай грамадзянскай супольнасьці.
Пры гэтым міністар падкрэсьліў, што палітыка Варшавы ў дачыненьні да Беларусі павінна залежаць ад датрыманьня правоў чалавека ў краіне.
"Лёс братэрскага народу асабліва блізкі нам. Я неаднаразова настойваў, каб Польшча дапамагла Беларусі, калі тая выбярэ шлях пераменаў. Але мы павінны моцна рэагаваць, калі Беларусь сыходзіць з гэтага шляху і адмаўляецца паважаць асноўныя правы чалавека і грамадзяніна. Я мяркую, што настаў час падтрымаць тую Беларусь, якая правядзе рэформы і будзе супрацоўнічаць з Эўропай", – сказаў Сікорскі.
Кіраўнік польскага МЗС канстатаваў, што на сёньняшні дзень гэтая падтрымка тычыцца беларускай грамадзянскай супольнасьці.