Лінкі ўнівэрсальнага доступу

Суд над Байковай будзе закрытым


Сьвятлана Байкова
Сьвятлана Байкова
Старшы сьледчы па асабліва важных справах Генэральнай пракуратуры Беларусі Сьвятлана Байкова абвінавачваецца па пяці артыкулах Крымінальнага кодэксу.

Пра гэта паведаміла прэс-сакратар Вярхоўнага суду Анастасія Цімановіч, паведамляе БЕЛТА.

Яна патлумачыла, што Сьвятлана Байкова абвінавачваецца ва ўчыненьні злачынстваў супраць правасудзьдзя, а таксама супраць інтарэсаў службы (ч. 2 арт. 393 — «Прыцягненьне ў якасьці абвінавачанага заведама невінаватага», ч. 1, 2 арт. 394 — «Прымус да дачы паказаньняў», ч. 1, 2 арт. 397 — «Заведама незаконныя затрыманьне або заключэньне пад варту», ч. 3 арт. 424 — «Злоўжываньне ўладай або службовымі паўнамоцтвамі», ч. 3 арт. 426 — «Перавышэньне ўлады або службовых паўнамоцтваў»).

Для вырашэньня пытаньня аб вінаватасьці ці невінаватасьці Байковай у зьдзяйсьненьні інкрымінаваных ёй злачынстваў суд дасьледуе шэраг абставінаў, у тым ліку зьвесткі, атрыманыя падчас розных апэратыўна-вышуковых мерапрыемстваў, сказала Анастасія Цімановіч.

Згодна з заканадаўствам, такія зьвесткі адносяцца да дзяржаўных сакрэтаў (арт.14 закону «Аб дзяржаўных сакрэтах»). У адпаведнасьці з прамымі нарматыўнымі прадпісаньнямі справа падлягае разгляду ў закрытым судовым пасяджэньні.

Сьвятлану Байкову затрымалі супрацоўнікі КДБ у лютым 2010 году. Судовы разбор яе крымінальнай справы пачнецца ў Вярхоўным судзе 10 сакавіка.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG