Японія накіравала свае зьнішчальнікі супраць кітайскіх

Улады Японіі пацьвердзілі, што паднялі два зьнішчальнікі ў паветра паблізу астравоў ва Ўсходне-Кітайскім моры, пасьля таго, як у сераду там былі заўважаныя два кітайскія самалёты.

Афіцыйны Токіё заявіў, што кітайскія зьнішчальнікі апынуліся на адлегласьці 50 кілямэтраў ад астравоў, але парушэньня паветранай прасторы ня здарылася.

Згаданы японскі архіпэляг аспрэчваецца Кітаем.