Афіцыйныя прадстаўнікі ААН у Кот-д’Івуары 28 лютага спрабавалі праверыць, ці знаходзяцца на лётнішчы Ямусукра пастаўленыя зь Беларусі тры верталёты, але былі вымушаныя адступіць пад абстрэлам з боку аховы лётнішча.
Генэральны сакратар ААН Пан Гі Мун 28 лютага заклікаў тэрмінова склікаць пасяджэньне Рады бясьпекі ААН для абмеркаваньня пытаньня аб незаконных пастаўках зброі з Беларусі ў афрыканскую краіну Кот-д’Івуар у абыход эмбарга ААН. Паводле зьвестак ААН, напярэдадні ў сталіцу Кот-д’Івуару Ямусукру зь Беларусі былі дастаўленыя тры баявыя верталёты з абсталяваньнем. Аднак Рада бясьпекі ААН не сабралася, паколькі міратворцам ААН у Кот-д’Івуары не ўдалося пацьвердзіць прыбыцьця верталётаў у Ямасукру.
Пан Гі Мун даў загад міратворцам ААН у Кот-д’Івуары "ўжыць усе неабходныя дзеяньні", каб не дапусьціць выкарыстаньня верталётаў, піша сёньняшняе выданьне The Wall Street Journal. У бюро генэральнага сакратара ААН падазраюць, што тры верталёты тыпу Мі-24 зь Беларусі прызначаюцца сілам Лярана Гбагба, які прайграў прэзыдэнцкія выбары ў лістападзе летась, але адмовіўся сысьці з пасады.
ААН апасаецца, што беларускія верталёты, узброеныя кулямётамі і ракетамі, могуць абвастрыць канфлікт у краіне, якая знаходзіцца на мяжы новай грамадзянскай вайны.
Прэсавы сакратар МЗС Беларусі Андрэй Савіных 28 лютага абверг паведамленьні, што Беларусь магла выслаць верталёты ў Кот-д’Івуар у абыход эмбарга ААН. Гэтую інфармацыю абверг таксама ўрад непрызнаванага сусьветнай супольнасьцю прэыздэнта Кот д'Івуара Ларана Гбагбо.
Генэральны сакратар ААН Пан Гі Мун 28 лютага заклікаў тэрмінова склікаць пасяджэньне Рады бясьпекі ААН для абмеркаваньня пытаньня аб незаконных пастаўках зброі з Беларусі ў афрыканскую краіну Кот-д’Івуар у абыход эмбарга ААН. Паводле зьвестак ААН, напярэдадні ў сталіцу Кот-д’Івуару Ямусукру зь Беларусі былі дастаўленыя тры баявыя верталёты з абсталяваньнем. Аднак Рада бясьпекі ААН не сабралася, паколькі міратворцам ААН у Кот-д’Івуары не ўдалося пацьвердзіць прыбыцьця верталётаў у Ямасукру.
Пан Гі Мун даў загад міратворцам ААН у Кот-д’Івуары "ўжыць усе неабходныя дзеяньні", каб не дапусьціць выкарыстаньня верталётаў, піша сёньняшняе выданьне The Wall Street Journal. У бюро генэральнага сакратара ААН падазраюць, што тры верталёты тыпу Мі-24 зь Беларусі прызначаюцца сілам Лярана Гбагба, які прайграў прэзыдэнцкія выбары ў лістападзе летась, але адмовіўся сысьці з пасады.
ААН апасаецца, што беларускія верталёты, узброеныя кулямётамі і ракетамі, могуць абвастрыць канфлікт у краіне, якая знаходзіцца на мяжы новай грамадзянскай вайны.
Прэсавы сакратар МЗС Беларусі Андрэй Савіных 28 лютага абверг паведамленьні, што Беларусь магла выслаць верталёты ў Кот-д’Івуар у абыход эмбарга ААН. Гэтую інфармацыю абверг таксама ўрад непрызнаванага сусьветнай супольнасьцю прэыздэнта Кот д'Івуара Ларана Гбагбо.