Лінкі ўнівэрсальнага доступу

logo-print

Бліц-агляд падзеяў і тэмаў у Беларусі, сьвеце, гісторыі.

МАРОЗНА...


...але сонечна. Тэмпэратура: -18 – -8 С.

НЕ ПРАХОДЗЬЦЕ МІМА:


У менскіх судах працэсы супраць шасьцёх удзельнікаў антыпрэзыдэнцкай дэманстрацыі 19 сьнежня 2010.

ТАМ, ДЗЕ НАС НЯМА:


У Гановэры пачынаецца пяцідзённы "CeBit", найбольшы кампутэрны кірмаш у сьвеце.

Старшыня АБСЭ, міністар замежных справаў Літвы Аўдронюс Ажубаліс, зь візытам у Казахстане.

ТАКСАМА Ў ГЭТЫ ДЗЕНЬ:


У 1881 беларускі тэрарыст Ігнат Грынявіцкі кінуў бомбу ў расейскага цара Аляксандра ІІ.

У 1933 годзе пакінуў гэты сьвет беларускі паэт Уладзімер Жылка (нар. 1900). Памёр паэт у сталінскай ссылцы і пахаваны ў далёкім расейскім горадзе Уржум.

У 1810 нарадзіўся польскі кампазытар і піяніст Фрыдэрык Шапэн (пам. 1849).

ЁСЬЦЬ НАГОДА:


Сьвята прыходу вясны.

Дзень піва ў Ісьляндыі.

МІНУС 365:


Варушыся! Беларусы — мэтэазалежная нацыя

ЦЫТАТА НА ПАМЯЦЬ:


"Згінулі сьцюжы, марозы, мяцеліцы,
Болей ня мерзьне душа ні адна,
Сонейкам цёпленькім, зеленьню вабнаю
Абдаравала зямельку вясна.

Рэчкі бурлівыя, учора санлівыя,
Сёньня усталі, плывуць і бурляць;
Рыбкі шмыглівыя скачуць, купаюцца,
К небу прыветна з вадзіцы глядзяць.

Пушчы паважныя, зімку праспаўшыя,
Радасна песьні зайгралі свае;
Лісьці зашасталі, птушкі зачыркалі,
Сьвішча салоўка, і дзяцел клюе.

Поле травіцаю сочнай адзелася,
Выйшла скацінка і дружна скубе,
Каля скацінкі падпасьвіч з жалейкаю
Хадзіць навокал ды йграе сабе.

Грай, грай, жалеечка! Грай, грай, вясёлая!
Выйграй з вясною і долечку мне;
З пушчаю, з птушкамі, з вольнымі ветрамі
Грай мне аб шчасьці, грай аб вясьне!"

Янка Купала, "Вясна" (1906).
XS
SM
MD
LG