Лінкі ўнівэрсальнага доступу

Дыпляматы просяць абараніць лібійцаў


Удзельнікі пратэстаў у Табруку трымаюць пашкоджаную "Зялёную кнігу" Муамара Кадафі
Удзельнікі пратэстаў у Табруку трымаюць пашкоджаную "Зялёную кнігу" Муамара Кадафі
Пасольства Лібіі ў Аўстрыі асудзіла “празьмерныя гвалтоўныя дзеяньні” рэжыму Муамара Кадафі ў адносінах да ўдзельнікаў пратэстаў. Супрацоўнікі пасольства выказалі спачуваньні родным і блізкім ахвяраў сутыкненьняў, а таксама заклікалі міжнародную супольнасьць зрабіць захады для абароны мірных жыхароў Лібіі.

Пры здушэньні лібійскімі ўладамі масавых пратэстаў у краіне, паводле розных зьвестак, загінулі ад 300 да 600 чалавек.

Напярэдадні Рада бясьпекі ААН асудзіла выкарыстаньне сілы супраць дэманстрантаў і заклікала ўлады краіны выканаць законныя патрабаваньні ўдзельнікаў пратэстаў.

Паводле найнавейшых паведамленьняў, папаўдні ў Трыпалі была чуваць страляніна. Прыхільнікі Муамара Кадафі, адгукнуўшыся на ўчорашні заклік кіраўніка краіны, сабраліся на мітынг.

Акцыі пратэсту з патрабаваньнямі адстаўкі Муамара Кадафі доўжацца ў Лібіі з 15 лютага. Кадафі стаіць на чале дзяржавы ўжо 42 гады.
XS
SM
MD
LG