Лінкі ўнівэрсальнага доступу

На Магілёўшчыне з Днём роднай мовы павіншавалі паўтысячы чалавек


Актывісты грамадзянскай кампаніі «Гавары праўду» ў Асіповічах, Бабруйску, Бялынічах і Кіраўску адзначылі ўсясьветны Дзень роднай мовы распаўсюдам віншавальных паштовак. Іх раздавалі мінакам у людных месцах, а таксама на гарадзкіх рынках.

Удзельніца віншавальнай акцыі Аксана: «На віншаваньні людзі рэагавалі пазытыўна. Многія былі зьдзіўленыя нашай акцыяй. Было прыемна, што ніхто не сказаў, што Дзень роднай мовы — гэта дзень расейскай мовы. Усе казалі, што нашай, беларускай. Маці давалі паштоўкі дзецям і казалі: «Вось паглядзі — сёньня дзень беларускай мовы». Віншаваньні атрымалі болей за паўтысячы чалавек.

Акрамя віншавальных паштовак зь беларускай літарай «Ў» актывісты «Гавары праўду» расклейвалі плякаты — павялічыя копіі паштовак.


20 лютага ў Магілёве мясцовая суполка Таварыства беларускай мовы арганізавала дыктоўку. У Палац культуры вобласьці яе прыйшлі больш за семдзесят чалавек. Пад дыктоўку рупліўцы мовы пісалі эсэ Максіма Багдановіча «Хто мы такія?».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG