Старшыня Менскай гарадзкой калегіі адвакатаў Аляксандр Пыльчанка выключаны са складу кваліфікацыйнай камісіі па пытаньнях адвакацкай дзейнасьці.
Гэта зроблена на паставе загаду міністра юстыцыі, паведамілі Інтэрфаксу ў прэсавай службе міністэрства.
Раней Пыльчанка выказаў занепакоенасьць тым, што Мін’юст ануляваў ліцэнзіі некаторым менскім адвакатам, а таксама намерам міністэрства распрацаваць для адвакатаў новыя правілы этыкі.
"Сытуацыя крытычная, яна пагражае незалежнасьці адвакатуры. Мы плянуем склікаць экстраны сход, каб абмеркаваць тое, што адбываецца", - заявіў раней Пыльчанка.
"Мэханізм спыненьня дзеяньня ліцэнзіяў адвакатаў без ўважлівага разгляду, які апрабаваны сёньня ў краіне, ставіць у залежнасьць ўсіх адвакатаў ад Мін’юсту", - адзначыў старшыня Менскай гарадзкой калегіі адвакатаў.
Пыльчанка падкрэсьліў, што паводле закону прыцягненьне адваката да адказнасьці - гэта прэрагатыва калегіі адвакатаў. У дадзеным выпадку рашэньне спыніць дзеяньне ліцэнзіяў прыняло Міністэрства юстыцыі, без уліку думкі органаў адвакацкага самакіравання.
"Гэта недапушчальная сытуацыя. Тым больш што па двум адвакатам - Уладзімеру Тоўсьціку і Тамары Гараевай – праводзілася праверка, і мы паведамілі, што з іх боку ніякіх парушэньняў няма", - сказаў Пыльчанка.
Міністэрства юстыцыі Беларусі пазбавіла ліцэнзіяў шэраг адвакатаў, якія абаранялі абвінавачаных у справе пра падзелі 19 сьнежня.
Ліцэнзій былі пазбаўленыя:
Гэта зроблена на паставе загаду міністра юстыцыі, паведамілі Інтэрфаксу ў прэсавай службе міністэрства.
Раней Пыльчанка выказаў занепакоенасьць тым, што Мін’юст ануляваў ліцэнзіі некаторым менскім адвакатам, а таксама намерам міністэрства распрацаваць для адвакатаў новыя правілы этыкі.
"Сытуацыя крытычная, яна пагражае незалежнасьці адвакатуры. Мы плянуем склікаць экстраны сход, каб абмеркаваць тое, што адбываецца", - заявіў раней Пыльчанка.
"Мэханізм спыненьня дзеяньня ліцэнзіяў адвакатаў без ўважлівага разгляду, які апрабаваны сёньня ў краіне, ставіць у залежнасьць ўсіх адвакатаў ад Мін’юсту", - адзначыў старшыня Менскай гарадзкой калегіі адвакатаў.
Пыльчанка падкрэсьліў, што паводле закону прыцягненьне адваката да адказнасьці - гэта прэрагатыва калегіі адвакатаў. У дадзеным выпадку рашэньне спыніць дзеяньне ліцэнзіяў прыняло Міністэрства юстыцыі, без уліку думкі органаў адвакацкага самакіравання.
"Гэта недапушчальная сытуацыя. Тым больш што па двум адвакатам - Уладзімеру Тоўсьціку і Тамары Гараевай – праводзілася праверка, і мы паведамілі, што з іх боку ніякіх парушэньняў няма", - сказаў Пыльчанка.
Міністэрства юстыцыі Беларусі пазбавіла ліцэнзіяў шэраг адвакатаў, якія абаранялі абвінавачаных у справе пра падзелі 19 сьнежня.
Ліцэнзій былі пазбаўленыя:
- Алег Агееў, былы адвакат былога кандыдата на прэзыдэнта кандыдата Алеся Міхалевіча
- Тацьцяна Агеева
- Уладзімер Тоўсьцік, былы адвакат журналісткі Ірыны Халіп
- Тамара Гараева, былая адвакатка Халіп.