Лінкі ўнівэрсальнага доступу

Наваградзкага актывіста ізноў выклікаюць у КДБ


Уладзімер Качагур

Уладзімер Качагур

Актывіст БХД Уладзімер Качагур сёньня атрымаў позву, у якой гаворыцца, што заўтра ён павінен зьявіцца ва ўпраўленьне КДБ Наваградзкага раёну ў якасьці сьведкі па справе аб падзеях 19 сьнежня ў Менску. Позву Ўладзімеру Качагуру ўручыў участковы міліцыянт.

Пасьля падзей на Плошчы Ўладзімера Качагура тройчы выклікалі ў праваахоўныя органы, але ён туды ні разу не пайшоў. Пазьней Наваградзкі суд асудзіў яго за гэта на 200 тысяч рублёў.

Яшчэ адным судовым рашэньнем Уладзімер Качагур быў папярэджаны за ўдзел у несанкцыянаваным пікеце. Такія ж пакараньні атрымалі і ягоныя сябры — Сяргей Воўчак і Дар’я Бахар.
XS
SM
MD
LG