Акцыю плянуюць правесьці ў форме мітынгу і шэсьця. Мітынг мяркуецца пачаць у 18.00 каля будынка прэзыдыюму Нацыянальнай акадэміі навук. У 19.00 павінна пачацца шэсьце да сквэру імя Янкі Купалы, дзе з 20.00 да 21.00 мае адбыцца яшчэ адзін мітынг.
Акцыя пройдзе пад лёзунгамі "Свабода палітвязьням!" і "Беларусь будзе вольнай!"
Заяўку ў гарвыканкам падпісалі старшыня Партыі БНФ Аляксей Янукевіч і старшыня руху "За свабоду" Аляксандар Мілінкевіч, намесьнік старшыні Аб'яднанай грамадзянскай партыі Леў Марголін, прадстаўнікі кампаніі "Гавары праўду!" Андрэй Дзьмітрыеў, руху салідарнасьці "Разам" Алесь Макаеў і аргкамітэту па стварэньні партыі "Беларуская хрысьціянская дэмакратыя" Ірына Губская, паведамляе БелаПАН.
На Дзень Волі 25 сакавіка дэмакратычныя сілы традыцыйна ладзяць вулічныя акцыі. Сілавыя структуры неаднойчы разганялі мітынгі і шэсьці на Дзень волі, а ўдзельнікаў арыштоўвалі.
Акцыя пройдзе пад лёзунгамі "Свабода палітвязьням!" і "Беларусь будзе вольнай!"
Заяўку ў гарвыканкам падпісалі старшыня Партыі БНФ Аляксей Янукевіч і старшыня руху "За свабоду" Аляксандар Мілінкевіч, намесьнік старшыні Аб'яднанай грамадзянскай партыі Леў Марголін, прадстаўнікі кампаніі "Гавары праўду!" Андрэй Дзьмітрыеў, руху салідарнасьці "Разам" Алесь Макаеў і аргкамітэту па стварэньні партыі "Беларуская хрысьціянская дэмакратыя" Ірына Губская, паведамляе БелаПАН.
На Дзень Волі 25 сакавіка дэмакратычныя сілы традыцыйна ладзяць вулічныя акцыі. Сілавыя структуры неаднойчы разганялі мітынгі і шэсьці на Дзень волі, а ўдзельнікаў арыштоўвалі.
