Лінкі ўнівэрсальнага доступу

Актывіст "Беларускага руху" пайшоў на допыт у КДБ


Будынак КДБ, Магілёў

Будынак КДБ, Магілёў

Сябра аргкамітэту "Беларускага руху" Аляксандра Анісімава выклікалі ў КДБ позвай.

У ёй пазначана, што дапытваць актывіста як сьведку будзе опэрупаўнаважаны Андрэй Рошчын. У якой справе, у позьве ня згадваецца. Ва ўпраўленьне КДБ па Магілёўскай вобласьці Анісімава чакаюць а дзясятай гадзіне раніцы.

Аляксандар Анісімаў — удзельнік Плошчы. Падчас разгону акцыі пратэсту яго не затрымалі. Цяпер, як кажа актывіст, ён часова выконвае функцыі абласнога каардынатара аргкамітэту "Беларускага руху". Раней ён быў сябрам партыі БНФ.

Што да опэрупаўнаважанага Андрэя Рошчына, то ў справе масавых беспарадкаў у Менску 19—20 сьнежня ён жа дапытваў як сьведкаў актывістаў грамадзянскай кампаніі "Наш дом" Крысьціну Шацікаву й Паўла Варашылава.

Паказаць камэнтары

XS
SM
MD
LG