У Італіі акцыі ў падтрымку правоў жанчын

Амаль у двухстах гарадах Італіі сёньня адбываюцца акцыі пратэсту супраць непаважлівага стаўленьня да жанчын.

Па словах адной з арганізатараў дэманстрацыяў актрысы Франчэскі Камэнчыні, акцыі накіраваны ў тым ліку і супраць прэм'ер-міністра Сыльвіё Бэрлюсконі.

Пракуратура абвінавачвае Бэрлюсконі ў сэксуальнай сувязі з непаўналетняй. Прэм'ер-міністар Італіі заяўляе, што заведзеная супраць яго справа палітычна матываваная.